Qazaqstan men Resei arasyndaǵy taýar ainalymy kólemi 2015 jyly 15 mlrd AQSh dollaryn quraǵan. Degenmen, Resei Federatsiiasynyń prezidenti Vladimir Pýtin Astanada ótip jatqan Qazaqstan men Resei yntymaqtastyǵynyń XIII óńiralaryq forýmynda sońǵy jyldary taýar ainalymynyń kólemi azaiyp ketkenin aitty, dep habarlaidy "Ult aqparat" Baq.kz portalyna silteme jasap.
«Búgingi forým Qazaqstan Prezidenti N.Nazarbaevtyń bastamasymen ótip jatyr. Bul óte qajet, dástúrli basqosý. Zalǵa jinalǵandardyń qatarynda iri kompaniia basshylary, orta jáne shaǵyn biznes ókilderi bar. Forým aiasynda «Biznestiń qajettilikterin tiimdi túrde qamtamasyz etýge qatysty QR men RF kóliktik-logistikalyq keshenin damytý», «QR men RF arasyndaǵy týrizmdi damytýdyń jańa múmkindikteri», «Qazaqstan-Resei iskerlik keńesi», «Shikizat emes ónimder men kooperatsiialyq jobalar eksportyn qoldaý mehanizmi» atty tórt paneldi sessiia ótti. Ózderińiz biletindei, bul forýmnyń maqsaty eki eldiń iri kásipkerleri jáne kásiporyndary arasynda iskerlik bailanys ornatý, jańa tehnologiialardy qoldaný arqyly kólik-logistikalyq keshende jańa bailanystardy qalyptastyrý, ekonomikalyq ósimdi, ekonomikanyń básekege qabilettiligin, halyqtyń áleýmettik ál-aýqatyn qamtamasyz etý boiynsha biznes pen biliktiń konstrýktivti ózara is-qimyl máselelerin sheshý bolatyn», – deidi V. Pýtin.
Onyń aitýynsha, Qazaqstan Resei úshin taýar ainalymy jóninen TMD-daǵy ekinshi iri memleket.Qazaqstan men Resei strategiialyq áriptes ári odaqtas memleketter. Eki el kóptegen salalarda tyǵys bailanys ornatqan. Onyń ishinde saýda ainalymy men investitsiia da bar.
«Qazaqstan Reseiden 9 mlrd AQSh dollary kóleminde kapital alsa, al Reseidiń sizderden alǵany 3 mlrd dollar. Qazaqstan Reseidiń saýda ainalymy jóninde TMD aýmaǵyndaǵy ekinshi eń iri áriptesi. Ótken jyly eki el arasyndaǵy taýar ainalymy 15 mlrd AQSh dollaryn qurady. Qazaqstan prezidenti durys aityp ótti. Eki el arasyndaǵy taýar ainalymynyń kólemi azaiyp ketti. Onyń sebepteri ózderińizge de málim dep oilaimyn. Álemdik daǵdarys, eki eldiń valiýta baǵamynyń quldyraýy, t.b sebepter bar. Endi, osy iskerlik keńestiń arqasynda taýar ainalymynyń kólemi qaita artady dep úmittenemin», – deidi V. Pýtin.
Aita keteiik, forým aiasynda jalpy somasy 3 mlrd AQSh dollary bolatyn 56 ekijaqty qujatqa qoiyldy. Qazirgi ýaqytta Qazaqstanda reseilikterdiń qatysýymen 6453 kompaniia sátti jumys istep jatyr. Olardyń qatarynda ekonomika, munai men gaz óndirý, óńdeý ónerkásibi, kólik bailanys, mashina jasaý, ǵaryshtyq saladaǵy yntymaqtastyq, atom energiiasyn beibit maqsatta paidalaný siiaqty salalar bar.
.jpeg)