قازاقستان مەن رەسەي اراسىنداعى تاۋار اينالىمى كٶلەمٸ 2015 جىلى 15 ملرد اقش دوللارىن قۇراعان. دەگەنمەن, رەسەي فەدەراتسيياسىنىڭ پرەزيدەنتٸ ۆلاديمير پۋتين استانادا ٶتٸپ جاتقان قازاقستان مەن رەسەي ىنتىماقتاستىعىنىڭ XIII ٶڭٸرالارىق فورۋمىندا سوڭعى جىلدارى تاۋار اينالىمىنىڭ كٶلەمٸ ازايىپ كەتكەنٸن ايتتى, دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
«بٷگٸنگٸ فورۋم قازاقستان پرەزيدەنتٸ ن.نازارباەۆتىڭ باستاماسىمەن ٶتٸپ جاتىر. بۇل ٶتە قاجەت, دەستٷرلٸ باسقوسۋ. زالعا جينالعانداردىڭ قاتارىندا ٸرٸ كومپانييا باسشىلارى, ورتا جەنە شاعىن بيزنەس ٶكٸلدەرٸ بار. فورۋم اياسىندا «بيزنەستٸڭ قاجەتتٸلٸكتەرٸن تيٸمدٸ تٷردە قامتاماسىز ەتۋگە قاتىستى قر مەن رف كٶلٸكتٸك-لوگيستيكالىق كەشەنٸن دامىتۋ», «قر مەن رف اراسىنداعى تۋريزمدٸ دامىتۋدىڭ جاڭا مٷمكٸندٸكتەرٸ», «قازاقستان-رەسەي ٸسكەرلٸك كەڭەسٸ», «شيكٸزات ەمەس ٶنٸمدەر مەن كووپەراتسييالىق جوبالار ەكسپورتىن قولداۋ مەحانيزمٸ» اتتى تٶرت پانەلدٸ سەسسييا ٶتتٸ. ٶزدەرٸڭٸز بٸلەتٸندەي, بۇل فورۋمنىڭ ماقساتى ەكٸ ەلدٸڭ ٸرٸ كەسٸپكەرلەرٸ جەنە كەسٸپورىندارى اراسىندا ٸسكەرلٸك بايلانىس ورناتۋ, جاڭا تەحنولوگييالاردى قولدانۋ ارقىلى كٶلٸك-لوگيستيكالىق كەشەندە جاڭا بايلانىستاردى قالىپتاستىرۋ, ەكونوميكالىق ٶسٸمدٸ, ەكونوميكانىڭ بەسەكەگە قابٸلەتتٸلٸگٸن, حالىقتىڭ ەلەۋمەتتٸك ەل-اۋقاتىن قامتاماسىز ەتۋ بويىنشا بيزنەس پەن بيلٸكتٸڭ كونسترۋكتيۆتٸ ٶزارا ٸس-قيمىل مەسەلەلەرٸن شەشۋ بولاتىن», – دەيدٸ ۆ. پۋتين.
ونىڭ ايتۋىنشا, قازاقستان رەسەي ٷشٸن تاۋار اينالىمى جٶنٸنەن تمد-داعى ەكٸنشٸ ٸرٸ مەملەكەت.قازاقستان مەن رەسەي ستراتەگييالىق ەرٸپتەس ەرٸ وداقتاس مەملەكەتتەر. ەكٸ ەل كٶپتەگەن سالالاردا تىعىس بايلانىس ورناتقان. ونىڭ ٸشٸندە ساۋدا اينالىمى مەن ينۆەستيتسييا دا بار.
«قازاقستان رەسەيدەن 9 ملرد اقش دوللارى كٶلەمٸندە كاپيتال السا, ال رەسەيدٸڭ سٸزدەردەن العانى 3 ملرد دوللار. قازاقستان رەسەيدٸڭ ساۋدا اينالىمى جٶنٸندە تمد اۋماعىنداعى ەكٸنشٸ ەڭ ٸرٸ ەرٸپتەسٸ. ٶتكەن جىلى ەكٸ ەل اراسىنداعى تاۋار اينالىمى 15 ملرد اقش دوللارىن قۇرادى. قازاقستان پرەزيدەنتٸ دۇرىس ايتىپ ٶتتٸ. ەكٸ ەل اراسىنداعى تاۋار اينالىمىنىڭ كٶلەمٸ ازايىپ كەتتٸ. ونىڭ سەبەپتەرٸ ٶزدەرٸڭٸزگە دە مەلٸم دەپ ويلايمىن. ەلەمدٸك داعدارىس, ەكٸ ەلدٸڭ ۆاليۋتا باعامىنىڭ قۇلدىراۋى, ت.ب سەبەپتەر بار. ەندٸ, وسى ٸسكەرلٸك كەڭەستٸڭ ارقاسىندا تاۋار اينالىمىنىڭ كٶلەمٸ قايتا ارتادى دەپ ٷمٸتتەنەمٸن», – دەيدٸ ۆ. پۋتين.
ايتا كەتەيٸك, فورۋم اياسىندا جالپى سوماسى 3 ملرد اقش دوللارى بولاتىن 56 ەكٸجاقتى قۇجاتقا قويىلدى. قازٸرگٸ ۋاقىتتا قازاقستاندا رەسەيلٸكتەردٸڭ قاتىسۋىمەن 6453 كومپانييا سەتتٸ جۇمىس ٸستەپ جاتىر. ولاردىڭ قاتارىندا ەكونوميكا, مۇناي مەن گاز ٶندٸرۋ, ٶڭدەۋ ٶنەركەسٸبٸ, كٶلٸك بايلانىس, ماشينا جاساۋ, عارىشتىق سالاداعى ىنتىماقتاستىق, اتوم ەنەرگيياسىن بەيبٸت ماقساتتا پايدالانۋ سيياقتى سالالار بار.
.jpeg)