Búgin Nur-Sultanda Qazaqstannyń Qorǵanys ministri Nurlan Ermekbaev reseilik áriptesi Sergei Shoigýmen kezdesti. Bul týraly Qorǵanys ministrligi habarlady.
Qazaqstan men Resei qorǵanys vedomstvo basshylarynyń kezdesýinde qorǵanys aýqymyndaǵy strategiialyq seriktestik pen yntymaqtastyqty budan ári damytý daiarlyǵy bekitildi.
Qurylymdyq dialog barysynda olar óńirlik qaýipsizdikti qoldaý jáne qamtamasyz etý jóninde pikir almasty.
Taraptar Qazaqstan men Reseidiń ekijaqty áskeri jáne áskeri-tehnikalyq yntymaqtastyqtyń aǵymdaǵy jaǵdaiyn talqylap, aldaǵy ýaqyttardaǵy anaǵurlym ózekti baǵyttardy aiqyndady.
Eki el arasyndaǵy qorǵanys yntymaqtastyǵy túrli aýqymdaǵy joǵary deńgeidegi ózara is-qimylmen sipattalatynyn atap ótken jón.
Qazaqstan Respýblikasynyń Resei Federatsiiasymen qatynasy baýyrlas elder arasyndaǵy kópjosparly strategiialyq yntymaqtastyǵynyń mańyzdy baǵyttarynyń biri bolyp tabylady.
«Ekijaqty nysandaǵy is-sharalarǵa ǵana emes, sonymen qatar UQShU, ShYU, TMD siiaqty kópjaqty yntymaqtastyq aiasyndaǵy is-sharalaryna da belsendi qatysamyz. Qorǵanys vedomstvo basshylary orynbasarlarynyń deńgeiinde qurylǵan qorǵanys keńes berý institýty qurylym retinde qyzmet kórsetip, qol jetkizgen senimhattaryn iske asyrýda túzetýge jáne basymdyqtaryn kórsetýge múmkindik beredi», – dedi QR Qorǵanys ministri.
Qazaqstan men Resei óńirlik qaýipsizdik múddesinde olardyń strategiialyq seriktestiktegi mańyzdylyǵyn qarastyra otyryp, óziniń qorǵanys jáne áskeri-tehnikalyq aýqymdaǵy bailanysyn turaqty túrde jetildiredi.
Ekijaqty yntymaqtastyqtyń basty elementi birlesken jaýyngerlik daiarlyq,áskeri-tehnikalyq yntymaqtastyq jáne kadrlar daiarlaý máseleleri bolyp qalýda.
Biyl sanitralyq-epidemiologiialyq jaǵdailarǵa bailanysty qazaqstandyq áskeriler «ArHO-2020» konkýrstaryna tolyq qatysýǵa múmkindigi bolmady. Sonda da qazaqstandyqtar tarapy aldaǵy halyqaralyq armiia oiyndaryna qatysýǵa qyzyǵýshylyq tanytyp otyr, sondai-aq 2021 jyly uiymdastyrýshy el retinde qatysýǵa daiyn.
Qazaqstan men Resei arasyndaǵy áskeri-tehnikalyq yntymaqtastyq sheńberiniń joǵary deńgeii baiqaldy, bul qarý-jaraq pen áskeri tehnikany qoiý boiynsha birlesken jobalardy tolyq júzege asyrýǵa múmkindik beredi. Ótken jyldary Qazaqstannyń Qarýly Kúshteri reseiden shyqqan aviatsiia tehnikalaryn, ÁShQQ quraldaryn, áskeri-teńiz kúshteriniń jaraqtaryn, oq-dáriler men zapastardyń aitarlyqtai birligin satyp aldy.
Qazaqstannyń Qorǵanys ministrligi joǵary jáne joǵary bilim alǵannan keiin bilim alý baǵdarlamalar boiynsha Resei Qorǵanys ministrliginiń áskeri oqý oryndarynda áskeri kadrlardy daiarlaýǵa, sondai-aq Resei Federatsiiasy Qarýly Kúshteriniń mamandandyrylǵan oqý-jattyǵý ortalyqtarynyń bazasyna mamandardy jiberýge budan ári de múddeli.
Jańa oqý jylynda reseilikter tarapynan qazaqstandyq áskeri qyzmetshilerdi oqytýǵa barynsha kóp kvota bólingenin atap ótken jón.
Qazaqstannyń Qorǵanys ministri reseilik áriptesterimen áńgime barysynda reseilik áskeri dárigerlerdiń eńbegin erekshe atap ótti. Aita ketsek, aǵymdaǵy jyldyń tamyzynda RF QK áskeri dárigerlerinen quralǵan top ózderiniń qazaqstandyq áriptesterine praktikalyq jáne metodologiialyq qoldaý kórsetti, bul ulttyq áskeri meditsinalyq qyzmette COVID-19 virýsymen syrqattanǵan patsientterdi emdeýde álemdik ozyq tájiribeni ekshep, epidemiologiialyq sharalardyń keń sheńberin zerdeleýge múmkindik berdi.
«Asa qajet bolǵanda Resei Federatsiiasy taratynan kórsetilgen kómegin joǵary baǵalaimyz. Sondai-aq Qazaqstan Respýblikasy Qarýly Kúshteriniń meditsinalyq múlikti jetkizýde jáne aǵymdaǵy jyldyń tamyzynda áskeri meditsinalyq brigadalardy jiberýde kórsetilgen kómekke alǵys bildiremin» – dedi Nurlan Ermekbaev.
Qazaqstan men Resei qorǵanys ministrleriniń kezdesý qorytyndysy boiynsha Qazaqstan Respýblikasy men Resei Federatsiiasy arasyndaǵy áskeri yntymaqtastyq týraly jańartylǵan shartqa qol qoiyldy.
Atalǵan shart kúshinen engen sátten bastap, negizgi erejeleri iske asyrylǵan, 1994 jyly 28 naýryzda qol qoiylǵan Qazaqstan Respýblikasy men Resei Federatsiiasy arasyndaǵy burynǵy shart kúshin joiady.
Ótken jyldardaǵy memleket aralyq qujattarda qarastyrylǵandai, Áskeri yntymaqtastyqtyń jańartylǵan shart erejelerine sáikes kadrlardy daiarlaý, qarý-jaraq pen tehnikany qoiý, birlesken ekijaqty jáne kóp jaqty oqý-jattyǵýlarǵa, áskerlerdi jaýyngerlik daiarlyq sharalaryna qatysý keń aýqymda júzege asyrylady.
Jańartylǵan shart sondai aq halyqaralyq uiymdar aiasyndaǵy ózara is qimyl, bitimgershilik qyzmet, óńirlik qaýipsizdik qaterlerine qarsy is qimyl, mádeniet jáne sport qyzmetteri engizilgen ózara is qimyldyń jańa baǵyttary men nysandarymen tolyqtyryldy.
