QR IIDM Azamattyq aviatsiia komiteti «IrAero» áýe kompaniiasyna Qazaqstan Respýblikasynda akkreditteý týraly kýáligin berdi, dep habarlaidy "Ult aqparat" komitetke silteme jasap.
Reseidiń «IrAero» áýe kompaniiasy Qazaqstan men Resei arasynda birqatar baǵyttardy ashýdy josparlap otyr. «Azamattyq aviatsiia komiteti Qazaqstan Respýblikasynyń aimaqtaryn men Resei Federatsiiasymen áýe qatynasy arqyly bailanystyrý jumysyn jalǵastyrady. Kóktemgi-jazǵy navigatsiia kezeńinde «IrAero» kelesi baǵyttar boiynsha turaqty áýe tasymalyn oryndaýdy josparlap otyr: Jýkovskii - Qaraǵandy - Jýkovskii aptasyna 7 ret; Jýkovskii - Kókshetaý - Jýkovskii aptasyna 2 ret; Jýkovskii - Petropavl - Jýkovskii aptasyna 2 ret ushyrylady», - delingen komitet habarlamasynda.
Reister RRJ (Sukhoi SuperJet-100) áýe kemelerimen ushyrylady. Komitettiń málimdeýinshe, Qazaqstannyń barlyq halyqaralyq reisteriniń 1/3 bóligi Reseimen bailanysady.
Aita keteiik, «IrAero» aviakompaniiasy 1999 jyly qurylǵan. Negizgi qyzmet túri - Qiyr Shyǵystyń jáne Reseidiń soltústik-shyǵys oblystarynyń áýe tasymalyn qamtamasyz etý boldy. 2006 jyldan bastap «IrAero» jolaýshylar tasymalymen ainalysady jáne qazirgi ýaqytta aimaqtaǵy eń iri tasymaldaýshy bolyp sanalady.
