Óskemen qalasynda «Abai álemi» atty stýdentterdiń halyqaralyq mádeni festivali ótti, dep habarlaidy "Ult aqparat".
S.Amanjolov atyndaǵy Shyǵys Qazaqstan ýniversiteti Polshanyń Sveche qalasyndaǵy Lingvistikalyq-tehnikalyq ýniversiteti bazasynan ashqan «Abai» mádeni-bilim berý ortalyǵymen birlesip «Abai álemi» atty stýdentterdiń halyqaralyq mádeni festivalin ótkizdi. Festivalǵa Qazaqstandaǵy Polsha Respýblikasynyń Tótenshe jáne Ókiletti Elshisi Selim Hazbievich, Qazaqstandaǵy Poliaktar odaǵynyń tóraǵasy Ekaterina Ostrovskaia qatysty.
«Abai esimi tek Qazaqstanda ǵana emes, muqym álemge áigili. Ózim de aqyn óleńderin oqyp, kóp oi túidim. Polshada hakimge arnap eskertkish ornatylyp, Abai ortalyǵy ashylǵanyna qýanyshtymyn. Ýniversitetterimiz yntymaqtastyqty ary qarai jalǵastyrady», - dedi Selim Hazbievich.
Kezdesý barysynda ár taraptan eki el arasyndaǵy mádeni-rýhani yntymaqtastyqty nyǵaitýdy kózdeitin birneshe mańyzdy usynystar aityldy.
«Qazaqtyń keshegisi de, búgini de, bolashaǵy da Abaimen ólsheneri haq. Abai – bizdiń ulttyq uranymyz, betke ustar kemeńger oishylymyz. Sondyqtan 2020 jyldy «Abai jyly» dep atap, aqynnyń týǵanyna 175 jyl tolýyn álemdik deńgeide atap ótken edik. Osy rette, biz Polsha ýniversitetterimen tyǵyz yntymaqtastyq ornatyp jatyrmyz. Onda Abai óleńderine arnalǵan poeziia keshteri de ótkizilýde», - dedi ShQÝ rektory Muhtar Tólegen.
Shara sońynda Polsha men Qazaqstan elderiniń atynan qatysyp otyrǵan eki ýniversitet stýdentteri Abai shyǵarmalaryn álemniń birneshe tilinde oryndady.
