ٶسكەمەن قالاسىندا «اباي ەلەمٸ» اتتى ستۋدەنتتەردٸڭ حالىقارالىق مەدەني فەستيۆالٸ ٶتتٸ, دەپ حابارلايدى "ۇلت اقپارات".
س.امانجولوۆ اتىنداعى شىعىس قازاقستان ۋنيۆەرسيتەتٸ پولشانىڭ سۆەچە قالاسىنداعى لينگۆيستيكالىق-تەحنيكالىق ۋنيۆەرسيتەتٸ بازاسىنان اشقان «اباي» مەدەني-بٸلٸم بەرۋ ورتالىعىمەن بٸرلەسٸپ «اباي ەلەمٸ» اتتى ستۋدەنتتەردٸڭ حالىقارالىق مەدەني فەستيۆالٸن ٶتكٸزدٸ. فەستيۆالعا قازاقستانداعى پولشا رەسپۋبليكاسىنىڭ تٶتەنشە جەنە ٶكٸلەتتٸ ەلشٸسٸ سەليم حازبيەۆيچ, قازاقستانداعى پولياكتار وداعىنىڭ تٶراعاسى ەكاتەرينا وستروۆسكايا قاتىستى.
«اباي ەسٸمٸ تەك قازاقستاندا عانا ەمەس, مۇقىم ەلەمگە ەيگٸلٸ. ٶزٸم دە اقىن ٶلەڭدەرٸن وقىپ, كٶپ وي تٷيدٸم. پولشادا حاكٸمگە ارناپ ەسكەرتكٸش ورناتىلىپ, اباي ورتالىعى اشىلعانىنا قۋانىشتىمىن. ۋنيۆەرسيتەتتەرٸمٸز ىنتىماقتاستىقتى ارى قاراي جالعاستىرادى», - دەدٸ سەليم حازبيەۆيچ.
كەزدەسۋ بارىسىندا ەر تاراپتان ەكٸ ەل اراسىنداعى مەدەني-رۋحاني ىنتىماقتاستىقتى نىعايتۋدى كٶزدەيتٸن بٸرنەشە ماڭىزدى ۇسىنىستار ايتىلدى.
«قازاقتىڭ كەشەگٸسٸ دە, بٷگٸنٸ دە, بولاشاعى دا ابايمەن ٶلشەنەرٸ حاق. اباي – بٸزدٸڭ ۇلتتىق ۇرانىمىز, بەتكە ۇستار كەمەڭگەر ويشىلىمىز. سوندىقتان 2020 جىلدى «اباي جىلى» دەپ اتاپ, اقىننىڭ تۋعانىنا 175 جىل تولۋىن ەلەمدٸك دەڭگەيدە اتاپ ٶتكەن ەدٸك. وسى رەتتە, بٸز پولشا ۋنيۆەرسيتەتتەرٸمەن تىعىز ىنتىماقتاستىق ورناتىپ جاتىرمىز. وندا اباي ٶلەڭدەرٸنە ارنالعان پوەزييا كەشتەرٸ دە ٶتكٸزٸلۋدە», - دەدٸ شقۋ رەكتورى مۇحتار تٶلەگەن.
شارا سوڭىندا پولشا مەن قازاقستان ەلدەرٸنٸڭ اتىنان قاتىسىپ وتىرعان ەكٸ ۋنيۆەرسيتەت ستۋدەنتتەرٸ اباي شىعارمالارىن ەلەمنٸڭ بٸرنەشە تٸلٸندە ورىندادى.
