Túrkistanda Artel kompaniiasy 1 mln-ǵa deiin gaz plitasyn shyǵarady. Bul týraly Túrkistan oblysynyń ákimi Ómirzaq Shókeevtiń Ózbekstanǵa jasaǵan issaparynda aityldy, dep habarlaidy Túrkistan oblysy ákiminiń baspasóz qyzmeti.
Oblys ákiminiń Tashkent qalasynyń ákimi Djahongir Artykhýdjaevpen ótken kezdesýi barysynda Qazaqstan men Ózbekstan birlesip turmystyq tehnika shyǵaratyn kásiporyn ashý týraly kelisimge keldi.
Kórshi el investorlary Túrkistannyń indýstrialdy aimaǵynda gaz plitalary men sý jylytqysh qurylǵylaryn óndirmek. Joba aiasynda 2 myńnan astam jańa jumys orny ashylady. Tehnika baǵasy da tutynýshy úshin qoljetimdi bolmaq. Túrkistan oblysynyń ákimi jobany júzege asyrý barysynda ákimdik tarapynan jan-jaqty qoldaý kórsetiletindigin aitty.
«Dostyq qatynastarǵa negizdelgen Qazaqstan – Ózbekstan yntymaqtastyqtyǵy nyǵaia túsýde. Búgingi joba birazdan beri talqylanyp kelgen. Bul birlesken jumystyń basy ǵana. Jalpy, Ózbekstandyq investorlar Túrkistan qalasyna birneshe óndiris ornyn ashýǵa qyzyǵýshylyq bildirip otyr», – dep atap ótti Ómirzaq Shókeev.
Artel kompaniiasy Túrkistan oblysynda as úi plitalaryn, qalyptaý buiymdaryn jáne elektr sý jylytqyshtaryn shyǵaratyn zaýyt salady. Aita ketý kerek, ótken jyldyń sońynda kompaniia ókilderi Túrkistan qalasyna kelip, óńirdiń investitsiialyq ahýaly, ekonomikalyq múmkindikteri jáne indýstrialdyq aimaqtaǵy investorlar úshin jasalynǵan múmkindiktermen tanysqan bolatyn.
Sonymen qatar, Ózbekstan eline sapary barysynda oblys ákimi Ómirzaq Shókeev Chinaz aýdanynda bolyp, turǵyndardy jumyspen qamtý maqsatynda boi kótergen toqyma ónimderin shyǵaratyn iri tigin fabrikasynyń ashylý rásimine qatysty.
Ómirzaq Estaiuly tigin indýstriiasyn damytyp, shalǵai jerlerde qajetti jumys oryndaryn quratynyn joba jetekshilerin oblys atynan quttyqtady. «Qojakent Textile» kompaniiasy qysqa merzim ishinde úkimetaralyq ónerkásiptik kooperatsiia sheńberinde Túrkistan qalasynda tigin fabrikasyn iske qosqany belgili.
