2021 jylǵy 12 aqpanda QR Indýstriia jáne infraqurylymdyq damý ministri Beibit Atamqulov Ózbekstan Respýblikasynyń Qazaqstandaǵy Tótenshe jáne Ókiletti Elshisi Saidikram Niiazhodjaevpen kezdesti.
Taraptar ekijaqty yntymaqtastyqty tereńdetý perspektivalaryn talqylady. Onyń ishinde infraqurylymdyq jobalarǵa erekshe nazar aýdardy, dep habarlaidy "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap.
Qazaqstan men Ózbekstan eki eldiń týristik áleýetin arttyrýǵa múmkindik beretin joǵary jyldamdyqty Túrkistan – Shymkent – Tashkent temirjol jolaýshylar qatynasyn júzege asyrý boiynsha jumystar júrgizýde. Budan basqa, Ózbekstan aýmaǵyna shyǵatyn Maqtaral – Darbaza jańa jelisin salý josparda bar. Ol joba Saryaǵash ótkeli pýnktiniń júktemesin edáýir azaitady.
Sonymen qatar, Túrkistannan Tashkentke deiin sozylatyn jańa joǵary jyldamdyqty magistraldy iske qosý kózdelip otyr.
Sondai-aq, ministr men elshi áýe qatynasy jaiyn talqylady. Koronavirýs pandemiiasyna qaramastan, eki el arasyndaǵy reister turaqty oryndalýda. Bolashaqta olardyń sanyn ulǵaitý, sondai - aq Ózbekstannyń Úrgench, Samarqand, Núkis qalalarynan Qazaqstannyń Túrkistan, Aqtaý jáne Taraz qalalaryna jańa baǵyttar ashý josparda bar.
Infraqurylymdyq jobalardan bólek kezdesýge qatysýshylar ónerkásiptik jobalarǵa nazar aýdardy. Taraptar Qazaqstandaǵy mashina jasaý salasyna mamandanǵan, sondai-aq Ózbekstan aýmaǵynda farmatsevtikalyq ónim shyǵaratyn birlesken kásiporyndar qurmaqshy. Sondai-aq, Shymkentte dárilik zattar jáne gigienalyq buiymdar shyǵaratyn zaýyt salý josparlanýda.
