2021 جىلعى 12 اقپاندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ٶزبەكستان رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ سايديكرام نييازحودجاەۆپەن كەزدەستٸ.
تاراپتار ەكٸجاقتى ىنتىماقتاستىقتى تەرەڭدەتۋ پەرسپەكتيۆالارىن تالقىلادى. ونىڭ ٸشٸندە ينفراقۇرىلىمدىق جوبالارعا ەرەكشە نازار اۋداردى, دەپ حابارلايدى "ۇلت اقپارات" قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ Telegram كانالىنا سٸلتەمە جاساپ.
قازاقستان مەن ٶزبەكستان ەكٸ ەلدٸڭ تۋريستٸك ەلەۋەتٸن ارتتىرۋعا مٷمكٸندٸك بەرەتٸن جوعارى جىلدامدىقتى تٷركٸستان – شىمكەنت – تاشكەنت تەمٸرجول جولاۋشىلار قاتىناسىن جٷزەگە اسىرۋ بويىنشا جۇمىستار جٷرگٸزۋدە. بۇدان باسقا, ٶزبەكستان اۋماعىنا شىعاتىن ماقتارال – داربازا جاڭا جەلٸسٸن سالۋ جوسپاردا بار. ول جوبا سارىاعاش ٶتكەلٸ پۋنكتٸنٸڭ جٷكتەمەسٸن ەدەۋٸر ازايتادى.
سونىمەن قاتار, تٷركٸستاننان تاشكەنتكە دەيٸن سوزىلاتىن جاڭا جوعارى جىلدامدىقتى ماگيسترالدى ٸسكە قوسۋ كٶزدەلٸپ وتىر.
سونداي-اق, مينيستر مەن ەلشٸ ەۋە قاتىناسى جايىن تالقىلادى. كوروناۆيرۋس پاندەميياسىنا قاراماستان, ەكٸ ەل اراسىنداعى رەيستەر تۇراقتى ورىندالۋدا. بولاشاقتا ولاردىڭ سانىن ۇلعايتۋ, سونداي - اق ٶزبەكستاننىڭ ٷرگەنچ, سامارقاند, نٷكٸس قالالارىنان قازاقستاننىڭ تٷركٸستان, اقتاۋ جەنە تاراز قالالارىنا جاڭا باعىتتار اشۋ جوسپاردا بار.
ينفراقۇرىلىمدىق جوبالاردان بٶلەك كەزدەسۋگە قاتىسۋشىلار ٶنەركەسٸپتٸك جوبالارعا نازار اۋداردى. تاراپتار قازاقستانداعى ماشينا جاساۋ سالاسىنا ماماندانعان, سونداي-اق ٶزبەكستان اۋماعىندا فارماتسەۆتيكالىق ٶنٸم شىعاراتىن بٸرلەسكەن كەسٸپورىندار قۇرماقشى. سونداي-اق, شىمكەنتتە دەرٸلٸك زاتتار جەنە گيگيەنالىق بۇيىمدار شىعاراتىن زاۋىت سالۋ جوسپارلانۋدا.
