Qazaqstan men Mońǵoliia Sottalǵan adamdardy berý týraly shartty ratifikatsiialaý týraly gramotalarmen almasty, – dep habarlaidy QR Syrtqy ister ministrliginiń baspasóz qyzmeti.
«Qazaqstan Respýblikasy Syrtqy ister ministriniń birinshi orynbasary Shahrat Nuryshev pen Mońǵoliianyń Qazaqstandaǵy Elshisi Lýasan Battýlga 2018 jylǵy 29 naýryzda Qazaqstannyń elordasynda jasalǵan Qazaqstan Respýblikasy men Mońǵoliia arasyndaǵy Sottalǵan adamdardy berý týraly shartty ratifikatsiialaý týraly gramotalarmen almasty. Osy Sharttyń 21-babynyń 1-tarmaǵyna sáikes, ol ratifikatsiialaý gramotalarymen almasqan kúnnen bastap otyz kúnnen keiin kúshine enedi», - delingen ministrlik aqparatynda.
Sondai-aq málim etilgendei, taraptar ekijaqty yntymaqtastyqtyń ózekti máselelerin talqylap, COVID-19 indeti tóńiregindegi ahýal turaqtalǵannan keiin birqatar mańyzdy is-sharalardy ótkizýge ýaǵdalasqan.
