قازاقستان مەن موڭعولييا سوتتالعان ادامداردى بەرۋ تۋرالى شارتتى راتيفيكاتسييالاۋ تۋرالى گراموتالارمەن الماستى, – دەپ حابارلايدى قر سىرتقى ٸستەر مينيسترلٸگٸنٸڭ باسپاسٶز قىزمەتٸ.
«قازاقستان رەسپۋبليكاسى سىرتقى ٸستەر مينيسترٸنٸڭ بٸرٸنشٸ ورىنباسارى شاحرات نۇرىشەۆ پەن موڭعولييانىڭ قازاقستانداعى ەلشٸسٸ لۋاسان باتتۋلگا 2018 جىلعى 29 ناۋرىزدا قازاقستاننىڭ ەلورداسىندا جاسالعان قازاقستان رەسپۋبليكاسى مەن موڭعولييا اراسىنداعى سوتتالعان ادامداردى بەرۋ تۋرالى شارتتى راتيفيكاتسييالاۋ تۋرالى گراموتالارمەن الماستى. وسى شارتتىڭ 21-بابىنىڭ 1-تارماعىنا سەيكەس, ول راتيفيكاتسييالاۋ گراموتالارىمەن الماسقان كٷننەن باستاپ وتىز كٷننەن كەيٸن كٷشٸنە ەنەدٸ», - دەلٸنگەن مينيسترلٸك اقپاراتىندا.
سونداي-اق مەلٸم ەتٸلگەندەي, تاراپتار ەكٸجاقتى ىنتىماقتاستىقتىڭ ٶزەكتٸ مەسەلەلەرٸن تالقىلاپ, COVID-19 ٸندەتٸ تٶڭٸرەگٸندەگٸ احۋال تۇراقتالعاننان كەيٸن بٸرقاتار ماڭىزدى ٸس-شارالاردى ٶتكٸزۋگە ۋاعدالاسقان.
