Biylǵy jyldyń 8 aiynyń qorytyndysy boiynsha Qazaqstan men Majarstan arasyndaǵy saýda ainalymy 80 mln dollarǵa jetken. Bul týraly búgin Astanada ótip jatqan eki el arasyndaǵy biznes-forýmda QR Ulttyq ekonomka vitse-ministri Timýr Jaqsylyqov aitty, dep habarlaidy Baq.kz tilshisi.
«Búgingi tańda Qazaqstanda Majarstan salǵan kapitaldyń arqasynda 50 birlesken kásiporyn jumys isteidi. Olardyń kópshiligi qurlys, saýda, óndiris sektoryna baǵyttalǵan. Eki eldiń saýda-ekonomikalyq áriptestigin keńeitý boiynsha úlken potentsial bar. 2015 jyly Qazaqstan men Majarstannyń saýda ainalymy 102 mln dollardy qurady. Al biylǵy jyldyń 8 aiynyń qorytyndysy boiynsha bul kórsetkish 80 million dollarǵa jetip otyr. Qazirgi kezde eki el arasynda strategiialyq keńes, ekonomikalyq áriptestikke bailanysty úkimetaralyq komissiia, iskerlik keńes, sondai-aq aýylsharýashylyǵy jobalaryn qarjylandyrýǵa bailanysty birlesken qor qurylǵan. Qazirgi kezde onyń kólemi 40 million dollarǵa jetip otyr», – deidi Timýr Jaqsylyqov.
Forým jumysy aiasynda «KAZNEX INVEST» AU, «Fitohimiia» halyqaralyq ǵylymi-óndiristik holdingi» jáne PannoPharma LTD arasynda zaýyt sýbstantsiialar negizinde biregei dári-dármekterin óndirýdi uiymdastyrý jónindegi ózara túsinik týraly memorandýmǵa qol qoiyldy. Odan bólek «Express» AQ jáne «Rail Cargo Hungario» arasynda halyqaralyq intermodaldyq tasymaldaýdy damytý týraly morandýmǵa, «Abylaihan» kompaniialar toby men «Lakich» mashina jasaý kompaniiasynyń arasynda jel elektr stantsiialaryn óndirý jáne satý týraly kelisimge, «Olimp» klinkalyq-diagnostikalyq zerthanasy men «77 Elektronika» arasynda kelisimderge qol qoiyldy.
Aita keteiik, Majarstan 2005 jyldan beri Qazaqstanǵa 103,5 million dollar tikelei investitsiia salǵan.
