Qazaqstan Respýblikasynyń Elshisi Álibek Baqaev issaparmen Vadýts qalasyna (Lihtenshtein) bardy. Bul týraly Syrtqy ister ministrligi habarlady.
Lihtenshtein Syrtqy ister ministrliginde bolǵan kezdesýde taraptar halyqaralyq arenadaǵy ózara árekettestik, ekijaqty yntymaqtastyqtyń qazirgi jaǵdaiy men keleshegin talqylady. Qazaqstan men Lihtenshtein arasyndaǵy yntymaqtastyqtyń keleshegi mol baǵyttaryna qarjy salasy men bank sektorynyń innovatsiialyq damýy jatady. Tamaq ónerkásibi men mashina jasaý salasyndaǵy yntymaqtastyq ta joǵary áleýetke ie.
Elshi «Kaiser» kompaniiasynyń (arnaiy kommýnaldyq tehnika men adymdaǵysh ekskavator jasaityn álemdegi jetekshi óndirýshilerdiń biri) basshylyǵymen bul saladaǵy yntymaqtastyqtyń múmkinderin talqylady. Kompaniia aziialyq naryqty igerýge múddeli. Al Qazaqstan ózara tiimdi sharttar negizindegi yntymaqtastyq úshin ońtaily jaǵdailar usynýǵa daiyn.
Sondai-aq, Á.Baqaev Lihtenshtein Kniazdiginiń BUU-ǵa múshe bolýynyń 30 jyldyq mereitoiyna arnalǵan «Halyqaralyq yntymaqtastyq pen turaqtylyqtyń ishki jáne syrtqy keleshegi» atty konferentsiiaǵa qatysty.
