قازاقستان رەسپۋبليكاسىنىڭ ەلشٸسٸ ەلٸبەك باقاەۆ ٸسساپارمەن ۆادۋتس قالاسىنا (ليحتەنشتەين) باردى. بۇل تۋرالى سىرتقى ٸستەر مينيسترلٸگٸ حابارلادى.
ليحتەنشتەين سىرتقى ٸستەر مينيسترلٸگٸندە بولعان كەزدەسۋدە تاراپتار حالىقارالىق ارەناداعى ٶزارا ەرەكەتتەستٸك, ەكٸجاقتى ىنتىماقتاستىقتىڭ قازٸرگٸ جاعدايى مەن كەلەشەگٸن تالقىلادى. قازاقستان مەن ليحتەنشتەين اراسىنداعى ىنتىماقتاستىقتىڭ كەلەشەگٸ مول باعىتتارىنا قارجى سالاسى مەن بانك سەكتورىنىڭ يننوۆاتسييالىق دامۋى جاتادى. تاماق ٶنەركەسٸبٸ مەن ماشينا جاساۋ سالاسىنداعى ىنتىماقتاستىق تا جوعارى ەلەۋەتكە يە.
ەلشٸ «Kaiser» كومپانيياسىنىڭ (ارنايى كوممۋنالدىق تەحنيكا مەن ادىمداعىش ەكسكاۆاتور جاسايتىن ەلەمدەگٸ جەتەكشٸ ٶندٸرۋشٸلەردٸڭ بٸرٸ) باسشىلىعىمەن بۇل سالاداعى ىنتىماقتاستىقتىڭ مٷمكٸندەرٸن تالقىلادى. كومپانييا ازييالىق نارىقتى يگەرۋگە مٷددەلٸ. ال قازاقستان ٶزارا تيٸمدٸ شارتتار نەگٸزٸندەگٸ ىنتىماقتاستىق ٷشٸن وڭتايلى جاعدايلار ۇسىنۋعا دايىن.
سونداي-اق, ە.باقاەۆ ليحتەنشتەين كنيازدٸگٸنٸڭ بۇۇ-عا مٷشە بولۋىنىڭ 30 جىلدىق مەرەيتويىنا ارنالعان «حالىقارالىق ىنتىماقتاستىق پەن تۇراقتىلىقتىڭ ٸشكٸ جەنە سىرتقى كەلەشەگٸ» اتتى كونفەرەنتسيياعا قاتىستى.
