"Keshe Pekin qalasynda Qazaqstan-Qytai yntymaqtastyq komitetiniń Geologiia jáne jer qoinaýyn paidalaný salasyndaǵy yntymaqtastyq jónindegi kishi komitetiniń 8-shi otyrysynyń ashylý saltanaty ótti", - dep habarlaidy "Ult aqparat".
Qazaqstandyq delegatsiiany Qazaqstan Respýblikasy Investitsiialar jáne damý ministrliginiń atynan Geologiia jáne jer qoinaýyn paidalaný komitetiniń tóraǵasy Bazarbai Nurabaev jáne Q. Sátpaev atyndaǵy Geologiialyq ǵylymdar institýtynyń direktory Murat Ómirserikov bastap bardy.
Qytai Halyq Respýblikasy atynan QHR Jer jáne tabiǵi resýrstar ministrliginiń basshylary, QHR Syrtqy ister ministrligi Aziia jáne Eýropa departamentiniń birinshi hatshysy, QHR Geologiialyq barlaý partiia tobynyń músheleri ókildik etti.
Ashylý saltanatynda QHR Jer jáne tabiǵi resýrstar ministrliginiń vitse-ministri Tsao Veisin otyrysqa qatysýshylardy quttyqtap, sóz sóiledi. Ol Qazaqstandyq delegatsiianyń is-sharaǵa belsendi qatysqany úshin rizashylyǵyn bildirdi. Sondai-aq, múmkindikti paidalana otyryp, Qazaqstan Respýblikasy Táýelsizdiginiń 25 jyldyǵymen quttyqtap, odan ári gúldene túsýin tiledi. Ministr eki eldiń geologiialyq qyzmetteri arasyndaǵy eki jaqty yntymaqtastyqtyń jáne biryńǵai geologiialyq karta qurý maqsatymen zertteletin óńir sheginde geologiialyq aqparatpen almasý boiynsha jumystardy kúsheitýdiń mańyzdylyǵyn atap ótti.
QR Investitsiialar jáne damý ministrliginiń atynan Geologiia jáne jer qoinaýyn paidalaný komitetiniń tóraǵasy B. Nurabaev óz sózinde osy is-sharany uiymdastyrǵany úshin Qytai Halyq Respýblikasyndaǵy áriptesterine rizashylyǵyn bildirdi.
8-shi otyrystyń kún tártibinde Qazaqstan-Qytai yntymaqtastyq komitetiniń jumys jaǵdaiy jóninde aqparat berý, perspektivalyq ýchaskelerdi taldaý jáne anyqtaý úshin Qazaqstan men Qytai arasyndaǵy shekaraǵa shektes alaptyń biryńǵai kartasyn qurastyrý jónindegi jobany talqylaý, jobany oryndaý boiynsha túiitkildi máselelerdi talqylaý sekildi geologiialyq saladaǵy eki jaqty yntymaqtastyqtyń mańyzdy máseleleri qarastyryldy.
Sonymen qatar, otyrysta birlesken jobalardy damytý baǵyttary, eki eldiń geologiialyq qyzmetteri arasyndaǵy yntymaqtastyqty keńeitý jáne geologiialyq aqparatpen almasý jumysyn kúsheitý jónindegi josparlar talqylandy.
Aldaǵy halyqaralyq kongresterge, Qazaqstan men Qytaidaǵy geologiialyq barlaý jáne taý-ken metallýrgiialyq beiin kórmelerine geologiialyq barlaý kásiporyndarynyń qatysýy máselesi qarastyryldy.
Qytai tarapy 2017 jyldyń birinshi jarty jyldyǵynda Geologiia jáne jer qoinaýyn paidalaný komitetiniń qyzmetkerleri men qazaqstandyq geolog mamandardy geologiialyq baǵyttar boiynsha oqytýǵa ázir. Sondai-aq, Qytai tarapy Qytai Halyq Respýblikasynyń Úkimeti atynan stipendiia bólý úshin Komitet tóraǵasyna Pekin ýniversitetterinde oqyp jatqan úzdik Qazaqstandyq stýdentterdi anyqtaýdy ótindi.
Otyrys qorytyndysy boiynsha QR Investitsiialar jáne damý ministrligi Geologiia jáne jer qoinaýyn paidalaný komiteti men QHR Qytai geologiialyq qyzmeti arasyndaǵy yntymaqtastyq jónindegi memorandýmǵa qol qoiý jónindegi másele qarastyrylýda.
.jpeg)