Májilistiń jalpy otyrysynda depýtattar "QR Úkimeti men QHR Úkimeti arasyndaǵy Qorǵas ózeninde "Shúkirbulaq (Almaly)" birlesken sel ustaityn bógetin salýdaǵy yntymaqtastyq týraly kelisimdi ratifikatsiialaý týraly" zań jobasyn maquldady, dep habarlaidy Sputnik Qazaqstan tilshisi.
"Qurylysqa qos tarap teń qarjy bóletin bolady. Qurylystyń jalpy smetalyq quny – 11,7 milliard teńge. Buǵan qajetti qarjy 2018-2020 jyldarǵa arnalǵan respýblikalyq biýdjette qarastyrylǵan… Biyl bizge 3,8 milliard teńge bólindi. Qurylys merzimi – 3 jyl", —dedi ishki ister ministri Qalmuhanbet Qasymov májilistiń jalpy otyrysynda.
Ministrdiń aitýynsha, bóget qurylysyn baqylaý úshin Qazaqstan-Qytai komiteti qurylady.
"Bógettiń jobasy jasaldy, saraptamadan ótti. Qazir ol Qytai eline berildi. Jobany ázirleýge eki eldiń mamandary tolyqtai qatysty", — dedi ulttyq ekonomika vitse-ministri Qaiyrbek Óskenbaev.
