مەجٸلٸستٸڭ جالپى وتىرىسىندا دەپۋتاتتار "قر ٷكٸمەتٸ مەن قحر ٷكٸمەتٸ اراسىنداعى قورعاس ٶزەنٸندە "شٷكٸربۇلاق (المالى)" بٸرلەسكەن سەل ۇستايتىن بٶگەتٸن سالۋداعى ىنتىماقتاستىق تۋرالى كەلٸسٸمدٸ راتيفيكاتسييالاۋ تۋرالى" زاڭ جوباسىن ماقۇلدادى, دەپ حابارلايدى Sputnik قازاقستان تٸلشٸسٸ.
"قۇرىلىسقا قوس تاراپ تەڭ قارجى بٶلەتٸن بولادى. قۇرىلىستىڭ جالپى سمەتالىق قۇنى – 11,7 ميلليارد تەڭگە. بۇعان قاجەتتٸ قارجى 2018-2020 جىلدارعا ارنالعان رەسپۋبليكالىق بيۋدجەتتە قاراستىرىلعان… بيىل بٸزگە 3,8 ميلليارد تەڭگە بٶلٸندٸ. قۇرىلىس مەرزٸمٸ – 3 جىل", —دەدٸ ٸشكٸ ٸستەر مينيسترٸ قالمۇحانبەت قاسىموۆ مەجٸلٸستٸڭ جالپى وتىرىسىندا.
مينيستردٸڭ ايتۋىنشا, بٶگەت قۇرىلىسىن باقىلاۋ ٷشٸن قازاقستان-قىتاي كوميتەتٸ قۇرىلادى.
"بٶگەتتٸڭ جوباسى جاسالدى, ساراپتامادان ٶتتٸ. قازٸر ول قىتاي ەلٸنە بەرٸلدٸ. جوبانى ەزٸرلەۋگە ەكٸ ەلدٸڭ ماماندارى تولىقتاي قاتىستى", — دەدٸ ۇلتتىق ەكونوميكا ۆيتسە-مينيسترٸ قايىربەك ٶسكەنباەۆ.
