"Búgin Astanada Qazaqstan men Qyrǵyzstannyń syrqy saiasat vedomstvolarynyń basshylary Erlan Ydyrysov pen Erlan Abdyldaev birqatar mańyzdy qujattarǵa qol qoidy", - dep habarlaidy Ult.kz tilshisi QazAqparat agenttigine silteme jasap.
Taraptar Qazaqstan Respýblikasy men Qyrǵyz Respýblikasy azamattarynyń eki el aýmaǵynda bolý tártibi týraly Kelisimge ózgeris engizý týraly Hattamaǵa, Readmissiia týraly kelisim jáne 2017-2018 jyldardaǵy Qazaqstan Respýblikasy Syrtqy ister ministrligi men Qyrǵyz Respýblikasy Syrtqy ister ministrligi arasyndaǵy yntymaqtastyq baǵdarlamasyna qol qoidy.
«Biz azamattarymyzdyń eki elde tirkeýsiz bolýyn retteitin qujatqa qol qoidyq. Bul eki el azamattarynyń eki el aýmaǵynda bolý tártibi týraly kelisimge ózgeris engizý týraly Hattama. Osyǵan sáikes bizdiń elimizdiń azmattary 30 kúnge deiin tirkeýsiz eki eldiń aýmaǵynda bola alady. Árine, bul qujat memleket ishindegi bekitý rásimderin talap etedi. Biz eki eldiń azamattary kútip júrgen osy qujatty bekitý kezinde Parlamentte kidirip qalmaidy degen senimdemiz», - dep habarlady E. Abdyldaev.
Sondai-aq, ministrler shekaradaǵy ótkizý pýnkterinin damytý máselelerin talqylady.
«Bul jumys bastalyp ketti jáne sáikesinshe, nátijesin berip jatyr. Biz jumysty toqtatpai, eki el azamattaryna bir-biriniń eline bararda jaily jaǵdai jasaý úshin, barlyq shekara boiynsha, barlyq baqylaý-ótkizý pýnkterinde jumystardy jalǵastyramyz dep kelistik», - dedi Qyrǵyzstan SIM basshysy.
E. Abdyldaev qyrǵyz delegatsiiasynyń kelissózderdiń qorytyndysyna kóńilderi tolatyndyǵyn aitty. Onyń aitýynsha, elder arasyndaǵy qarym-qatynastyń ilgerilemeli damý serpini bar.
«Bizde birqatar sheshilmegen másele bolsa da, mazmundy atqarylǵan jumys kólemi men aitarlyqtai áleýet bar. Eń bastysy bizde kún tártibinde turǵan barlyq máselelerdi sheshýge degen niet pen úlken umtylys bar. Biz odaqtas, aǵaiyndy memlekettermiz. Biz sondai boldyq, solai bolyp qalamyz da», - dedi ol.
