Qyrǵyzstan Prezidentiniń elimizge jasaǵan memlekettik saparynyń sońynda Qasym-Jomart Toqaev pen Sadyr Japarov «Astana» halyqaralyq qarjy ortalyǵyn aralap kórdi, dep habarlaidy "Ult aqparat" Aqordaǵa silteme jasap.
Memleket basshylary AHQO-nyń Halyqaralyq soty jáne Arbitraj ortalyǵynyń, Qarjylyq qyzmet kórsetý jumysyn retteý jónindegi komitettiń, Islam qarjysy men biznesi jónindegi habtyń, Jasyl qarjylar ortalyǵynyń jumysymen tanysty.
Sonymen qatar eki el prezidentterine Ekspat ortalyǵynyń, AHQO birjasynyń, Úzdiksiz kásibi damý biýrosy men Qarjy tehnologiiasy habynyń qyzmetteri týraly málimet berildi.
Qasym-Jomart Toqaev pen Sadyr Japarovqa Qarjy ortalyǵynyń birqatar ázirlemeleri, atap aitqanda, e-Justice elektrondy sot tóreliginiń júiesi men TABYS mobildi qosymshasy tanystyryldy.
Is-shara sońynda «Astana» halyqaralyq qarjy ortalyǵynyń basqarýshysy Qairat Kelimbetov keleshekte AHQO-nyń filialyn Bishkekte, al Qyrǵyzstannyń Investitsiia tartý jónindegi agenttiginiń ókildigin Qarjy ortalyǵynda ashýdy usyndy.
