QR Syrtqy ister ministri Qairat Ábdirahmanov Qyrǵyz Respýblikasynyń Premer-Ministri Sapar Isakovtyń Qazaqstanǵa sapary aiasyndaǵy kelissózderdiń negizgi baǵyttary jaiynda aityp berdi, dep habarlaidy Ult.kz tilshisi QazAqparat agenttigine silteme jasap.
«Úkimet basshylary arasynda qol jetkizilgen ýaǵdalastyqtarǵa sáikes, sapar resmi ári mazmundy jaǵynan joǵary deńgeide ótti. Bishkekten úlken delegatsiia kelgendigin atap ótken jón», - dedi ministr.
Q. Ábirahmanovtyń sózine qaraǵanda, qol qoiylǵan hattamaǵa sáikes, Qazaqstan men Qyrǵyzstannyń Premer-Ministrleriniń birinshi orynbasarlarynyń basshylyǵymen jumys toby quryldy. Olarǵa bes kúnniń ishinde «Jol kartasyn» qurý tapsyryldy.
«Kelissózder konstrýktivti dárejede ótti, iaǵni talqylaýdy qajet etetin máseleleler jan-jaqty qaraldy. Qazaqstan tarapy kezekti ret sońǵy jyldary birneshe márte kóterilgen problemalarǵa toqtaldy. Bul másele Qyrǵyzstan arqyly Eýraziialyq ekonomikalyq odaq elderine Qytaidan taýarlardyń «surǵylt» importyna bailanysty boldy», - dep túsindirdi Ábdirahmanov.
Sonymen qatar qazaqstandyq taýarlardy satýǵa qatysty Qyrǵyzstanda engizilgen shekteý sharalary talqylaýǵa arqaý boldy.
Syrtqy ister ministriniń aitýynsha, eki eldiń Premer-Ministrleri EAEO úkimet basshylary otyrysy aiasynda Erevanda taǵy da kezdesetin bolady.
Budan buryn habarlanǵandai, Qazaqstan Respýblikasynyń Premer-Ministri Baqytjan Saǵyntaev pen Qyrǵyz Respýblikasynyń Premer-Ministri Sapar Isakovtyń keńeitilgen jáne shaǵyn formattaǵy kezdesýi ótti. kelissózder qorytyndysy boiynsha, taraptar 19 qazan kúni saǵat 00-00-de qazaq-qyrǵyz shekarasynan júkteri bar jeke tulǵalar men turaqty júretin reistik avtobýstardyń, jeńil kólikterdiń, júk kólikteriniń ótýiniń basym baǵyttarynyń tártibin qamtamasyz etý jóninde kelisimge keldi.
Kezdesýler barysynda EAEO pen DSU normalary men tártipterine sáikes, shekara, kólik, fitosanitarlyq jáne veterinarlyq baqylaý, kedendik jáne salyqtyq ákimshilendirý máseleleri qaraldy.
