قر سىرتقى ٸستەر مينيسترٸ قايرات ەبدٸراحمانوۆ قىرعىز رەسپۋبليكاسىنىڭ پرەمەر-مينيسترٸ ساپار يساكوۆتىڭ قازاقستانعا ساپارى اياسىنداعى كەلٸسسٶزدەردٸڭ نەگٸزگٸ باعىتتارى جايىندا ايتىپ بەردٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«ٷكٸمەت باسشىلارى اراسىندا قول جەتكٸزٸلگەن ۋاعدالاستىقتارعا سەيكەس, ساپار رەسمي ەرٸ مازمۇندى جاعىنان جوعارى دەڭگەيدە ٶتتٸ. بٸشكەكتەن ٷلكەن دەلەگاتسييا كەلگەندٸگٸن اتاپ ٶتكەن جٶن», - دەدٸ مينيستر.
ق. ەبٸراحمانوۆتىڭ سٶزٸنە قاراعاندا, قول قويىلعان حاتتاماعا سەيكەس, قازاقستان مەن قىرعىزستاننىڭ پرەمەر-مينيسترلەرٸنٸڭ بٸرٸنشٸ ورىنباسارلارىنىڭ باسشىلىعىمەن جۇمىس توبى قۇرىلدى. ولارعا بەس كٷننٸڭ ٸشٸندە «جول كارتاسىن» قۇرۋ تاپسىرىلدى.
«كەلٸسسٶزدەر كونسترۋكتيۆتٸ دەرەجەدە ٶتتٸ, ياعني تالقىلاۋدى قاجەت ەتەتٸن مەسەلەلەلەر جان-جاقتى قارالدى. قازاقستان تاراپى كەزەكتٸ رەت سوڭعى جىلدارى بٸرنەشە مەرتە كٶتەرٸلگەن پروبلەمالارعا توقتالدى. بۇل مەسەلە قىرعىزستان ارقىلى ەۋرازييالىق ەكونوميكالىق وداق ەلدەرٸنە قىتايدان تاۋارلاردىڭ «سۇرعىلت» يمپورتىنا بايلانىستى بولدى», - دەپ تٷسٸندٸردٸ ەبدٸراحمانوۆ.
سونىمەن قاتار قازاقستاندىق تاۋارلاردى ساتۋعا قاتىستى قىرعىزستاندا ەنگٸزٸلگەن شەكتەۋ شارالارى تالقىلاۋعا ارقاۋ بولدى.
سىرتقى ٸستەر مينيسترٸنٸڭ ايتۋىنشا, ەكٸ ەلدٸڭ پرەمەر-مينيسترلەرٸ ەاەو ٷكٸمەت باسشىلارى وتىرىسى اياسىندا ەرەۆاندا تاعى دا كەزدەسەتٸن بولادى.
بۇدان بۇرىن حابارلانعانداي, قازاقستان رەسپۋبليكاسىنىڭ پرەمەر-مينيسترٸ باقىتجان ساعىنتاەۆ پەن قىرعىز رەسپۋبليكاسىنىڭ پرەمەر-مينيسترٸ ساپار يساكوۆتىڭ كەڭەيتٸلگەن جەنە شاعىن فورماتتاعى كەزدەسۋٸ ٶتتٸ. كەلٸسسٶزدەر قورىتىندىسى بويىنشا, تاراپتار 19 قازان كٷنٸ ساعات 00-00-دە قازاق-قىرعىز شەكاراسىنان جٷكتەرٸ بار جەكە تۇلعالار مەن تۇراقتى جٷرەتٸن رەيستٸك اۆتوبۋستاردىڭ, جەڭٸل كٶلٸكتەردٸڭ, جٷك كٶلٸكتەرٸنٸڭ ٶتۋٸنٸڭ باسىم باعىتتارىنىڭ تەرتٸبٸن قامتاماسىز ەتۋ جٶنٸندە كەلٸسٸمگە كەلدٸ.
كەزدەسۋلەر بارىسىندا ەاەو پەن دسۇ نورمالارى مەن تەرتٸپتەرٸنە سەيكەس, شەكارا, كٶلٸك, فيتوسانيتارلىق جەنە ۆەتەرينارلىق باقىلاۋ, كەدەندٸك جەنە سالىقتىق ەكٸمشٸلەندٸرۋ مەسەلەلەرٸ قارالدى.
