© Sputnik / Sergei Veniavskii /
Qyrǵyzstan IIM Zańsyz esirtki ainalymyna qarsy kúres qyzmeti men Qazaqstannyń kúsh qurylymdarynyń qyzmetkerleri birlesip Ortalyq Aziiaǵa sintetikalyq esirtki tasymaldaý jáne ony internet arqyly satýmen ainalysqandardyń turaqty jelisin anyqtady.
Qyrǵyzstan IIM uiymdasqan qylmystyq toptyń múshelerin anyqtaý jáne qolǵa túsirý boiynsha arnaiy operatsiia 2021 jyldyń qarashasynan beri daiyndalǵanyn jáne osy jyldyń sáýirinde aiaqtalǵanyn málimdedi, dep habarlaidy Sputnik Qyrǵyzstan.
Nebári jarty jylǵa sozylǵan daiyndyq jumystary kezinde quqyq qorǵaýshylar zańsyz bizneske qatysy bar jeti adamdy anyqtady. Olardyń úsheý Qyrǵyzstan týmasy jáne turǵyny, al qalǵan tórteýi qazaqstandyq azamat ekeni anyqtaldy.
Arnaiy operatsiia keezinde eki esirtki zerthanasy joiyldy. Zerthanalardan jalpy salmaǵy 31 kilogramm 265 gramm esirtki zaty, onyń ishinde, 25,5 kilogramm sintetikalyq eesirtki: 19,5 kilogramm "Alfa PVP", 6 kilogramm mefedron, 5 – gashish pen 765 gramm marihýana tárkilendi. Aldyn ala málimet boiynsha, esirtkiniń zańsyz saýda naryǵyndaǵy jalpy baǵasy 1,8 million dollardan asady.
Qazirgi ýaqytta eki eldiń kúsh qurylymdarynyń ókilderi tergeýdi jalǵastyryp jatyr. Sondyqtan tergeý barysynda qylmystyq iske qatysy bar azamattardyń sany artýy yqtimal.
