Qazaqstan men Qyrǵyzstan arasyndaǵy kómek týraly kelisim kúshin joiǵan joq. Úkimet otyrysynan keiin bergen suhbatynda QR SIM ministri Qairat Ábdirahmanov 100 mln dollar kómek jaily aqparatqa qatysty osylai aitty, dep habarlaidy "Ult aqparat" Baq.kz portalyna silteme jasap.
«Biz Qazaqstanda júrip Qyryzstan Respýblikasynyń eki memlekettiń úkimetteri qol jetkizgen kelisimniń kúshin joiý nieti jaily bildik. Kelisim Qazaqstannyń Qyrǵyzstan qyzmetterin Eýraziialyq ekonomikalyq odaqtyń mindetti tehnikalyq reglamenti pen basqa da mindettemelerine sai kelýi úshin tehnikalyq kómek kórsetýge baǵyttalǵan. Qazirgi tańda bul jaily Qyrǵyzstannan, sol eldiń laýazymdy tulǵalarynan eshqandai resmi málimet túsken joq. 18 qazanda Qazaqstan men Qyrǵyzstannyń premer-ministrleriniń tóraǵalyǵymen ótken eki eldiń úkimetaralyq kelisimi barysynda bul másele kóterilgen joq. Qazaqstanmen tehnikalyq kómek kórsetý jónindegi kelisimdi toqtatý máselesi boiynsha aqparatty men ózderińiz siiaqty buqaralyq aqparat quraldarynan estip otyrmyn. Qyrǵyz tarapy qai túrde máseleni kóterse de, biz oǵan muqiiat óz kóńilimizdi bólip, ekijaqty tiisti kelisimge keletinimizge kámil senemin», - dedi Ábdirahmanov.
Eske sala ketsek, jýyrda birqatar BAQ-ta Qyrǵyzstan Qazaqstannyń 100 mln dollar kómeginen bas tartty degen aqparat taraǵan bolatyn. Bul kómek Qyrǵyzstan qyzmetterin Eýraziialyq ekonomikalyq odaq talaptaryna sáikestendirý jumystaryna baǵyttalǵan.
