Qazaqstannyń Kanadadaǵy jáne Kýbadaǵy mindetin qosa atqarýshy Elshi Aqylbek Kamaldinovtyń Kýbanyń Syrtqy ister ministriniń Birinshi orynbasary Marselino Medinamen kezdesýi ótti, dep habarlaidy QR SIM baspasóz qyzmeti.
Kelissózder barysynda taraptar Qazaqstan – Kýba ekijaqty yntymaqtastyǵyn odan ári damytýdyń jai-kúii men basymdyqtaryn talqylady. Kezdesý barysynda taraptar elderimiz arasyndaǵy saiasi dialogtyń údemeli sipatyn atap ótti.
Elshi suhbattasýshysyn Qazaqstannyń aǵymdaǵy áleýmettik-ekonomikalyq damýymen tanystyrdy.
Sonymen qatar, A. Kamaldinov ekonomikalyq ózara is-qimyldyń, onyń ishinde farmatsevtika jáne týrizm salasyndaǵy perspektivalyq baǵyttaryn belgiledi. Prezident Qasym-Jomart Toqaevtyń basshylyǵymen júrgizilip jatqan Qazaqstannyń saiasi júiesiniń reformalaryna erekshe nazar aýdaryldy.
Óz kezeginde Ministrdiń birinshi orynbasary Elshini eldegi qazirgi saiasi jáne ekonomikalyq jaǵdaimen tanystyrdy. Qazaqstannyń Kýbaǵa qatysty buljymas ustanymyn qanaǵattanarlyqpen atap ótip, diplomatiialyq missiianyń mártebesin Elshilik deńgeiine kótergeni úshin Qazaqstan basshylyǵyna rizashylyǵyn bildirdi.
