قازاقستاننىڭ كاناداداعى جەنە كۋباداعى مٸندەتٸن قوسا اتقارۋشى ەلشٸ اقىلبەك كامالدينوۆتىڭ كۋبانىڭ سىرتقى ٸستەر مينيسترٸنٸڭ بٸرٸنشٸ ورىنباسارى مارسەلينو مەدينامەن كەزدەسۋٸ ٶتتٸ, دەپ حابارلايدى قر سٸم باسپاسٶز قىزمەتٸ.
كەلٸسسٶزدەر بارىسىندا تاراپتار قازاقستان – كۋبا ەكٸجاقتى ىنتىماقتاستىعىن ودان ەرٸ دامىتۋدىڭ جاي-كٷيٸ مەن باسىمدىقتارىن تالقىلادى. كەزدەسۋ بارىسىندا تاراپتار ەلدەرٸمٸز اراسىنداعى ساياسي ديالوگتىڭ ٷدەمەلٸ سيپاتىن اتاپ ٶتتٸ.
ەلشٸ سۇحباتتاسۋشىسىن قازاقستاننىڭ اعىمداعى ەلەۋمەتتٸك-ەكونوميكالىق دامۋىمەن تانىستىردى.
سونىمەن قاتار, ا. كامالدينوۆ ەكونوميكالىق ٶزارا ٸس-قيمىلدىڭ, ونىڭ ٸشٸندە فارماتسەۆتيكا جەنە تۋريزم سالاسىنداعى پەرسپەكتيۆالىق باعىتتارىن بەلگٸلەدٸ. پرەزيدەنت قاسىم-جومارت توقاەۆتىڭ باسشىلىعىمەن جٷرگٸزٸلٸپ جاتقان قازاقستاننىڭ ساياسي جٷيەسٸنٸڭ رەفورمالارىنا ەرەكشە نازار اۋدارىلدى.
ٶز كەزەگٸندە مينيستردٸڭ بٸرٸنشٸ ورىنباسارى ەلشٸنٸ ەلدەگٸ قازٸرگٸ ساياسي جەنە ەكونوميكالىق جاعدايمەن تانىستىردى. قازاقستاننىڭ كۋباعا قاتىستى بۇلجىماس ۇستانىمىن قاناعاتتانارلىقپەن اتاپ ٶتٸپ, ديپلوماتييالىق ميسسييانىڭ مەرتەبەسٸن ەلشٸلٸك دەڭگەيٸنە كٶتەرگەنٸ ٷشٸن قازاقستان باسشىلىعىنا ريزاشىلىعىن بٸلدٸردٸ.
