Qazaqstan Prezidenti Qasym-Jomart Toqaev pen Koreia Prezidenti Mýn Chje In júrgizilgen kelissózderdiń qorytyndysy boiynsha BAQ ókilderi úshin brifing ótkizdi, dep habarlaidy "Ult aqparat" Aqordaǵa silteme jasap.
Jýrnalister aldynda sóilegen sózinde Memleket basshysy Qasym-Jomart Toqaev Prezident Mýn Chje In bastaǵan ońtústik koreialyq delegatsiiany qonaqjai qazaq jerinde qabyldaý úlken mártebe dep atap, bul memlekettik sapardyń eki eldiń strategiialyq qarym-qatynastarynyń on jyldyǵyna orai ótýi ózindik mánge ie ekenin aitty.
Memleket basshysy Koreia Respýblikasyn saýda-ekonomikalyq turǵydan Aziiadaǵy eń iri ekinshi áriptes ekenine jáne jahandyq, aimaqtyq deńgeilerdegi ártúrli máseleler boiynsha yntymaqtastyqtyń joǵary deńgeii qalyptasqanyna toqtaldy.
Qazaqstannyń álemdik iadrolyq qarýǵa qarsy qozǵalystaǵy kóshbasshylyq rólin atap ótken Qasym-Jomart Toqaev Korei túbegin denýklearizatsiialaý boiynsha Seýldiń qadamyn qoldaitynyn aitty. Prezidenttiń pikirinshe, bul másele álem boiynsha qaýipsizdikti, turaqtylyq pen ornyqty damýdy qamtamasyz etý úshin óte mańyzdy.
– Biz koreiaralyq dialogtyń damýyn jiti baqylap otyrmyz. Ońtústik Koreia kóshbasshysy Mýn Chje In myrzanyń osy taǵdyrsheshti úderiste beibitshilik pen múddeli taraptar arasyndaǵy kelissózderdi qaita bastaýǵa baǵyttalǵan eńbegin joǵary baǵalaimyz, – dedi Qazaqstan Prezidenti.
Memleket basshysy jýrnalisterge koreilik áriptesimen bolǵan kelissózder barysynda ekijaqty yntymaqtastyqtyń, halyqaralyq jáne óńirlik kún tártibindegi máseleler talqylanǵany jóninde aitty.
Qasym-Jomart Toqaev eki el arasyndaǵy halyqaralyq yntymaqtastyq máselelerine arnaiy toqtaldy.
– Qazaqstan Ońtústik Koreiamen Birikken Ulttar Uiymy, Dúniejúzilik saýda uiymy, «Ortalyq Aziia – Koreia Respýblikasy» forýmy jáne taǵy basqa qurylymdar aiasynda tyǵyz qarym-qatynas jasap otyr. Búgingi sapardan keiin bizdiń áriptestigimizdiń aiasy keńeie túsetini sózsiz, – dedi Qazaqstan Prezidenti.
Memleket basshysy saýda-ekonomikalyq bailanystardy nyǵaitýdyń mańyzdylyǵyn atap ótip, bul jumystardyń negizgi basymdyǵy Qazaqstan men Ońtústik Koreia arasynda búgin qol qoiylǵan «Samal jel» jańa ekonomikalyq yntymaqtastyq baǵdarlamasynda kórinis tapqanyn aitty.
– Bizdiń elderimiz qazirdiń ózinde mashina jasaý, jol qurylysy jáne infraqurylym, aýyl sharýashylyǵy, qarjy sektory, densaýlyq saqtaý, aqparattyq jáne kommýnikatsiialyq tehnologiia salalary boiynsha iri jobalardy júzege asyryp jatyr. Koreia biznesiniń yntymaqtastyqty jandandyrýǵa múddelilik tanytýy qýantady. Búginde 500-den astam birlesken kásiporyn Qazaqstan aýmaǵynda belsendi jumys isteidi. Bulardyń qatary arta túsedi dep oilaimyn, – dedi Qasym-Jomart Toqaev.
Brifing barysynda Qazaqstan Prezidenti elimizdiń Koreialyq investitsiialyq tehnologiianyń engizilýine múddeliligin taǵy da naqtylady. Sondai-aq, saýda-ekonomikalyq jáne ǵylymi-tehnologiialyq yntymaqtastyq jónindegi úkimetaralyq komissiianyń jumysyn jandandyrýǵa qatysty ýaǵdalastyq týraly jáne Nur-Sultan qalasynda Qazaqstan - Ońtústik Koreia halyqaralyq IT-ortalyǵyn ashý jóninde aitty.
Sonymen qatar, Memleket basshysy kólik-infraqurylym salý jónindegi yntymaqtastyqty tereńdetý máselesine erekshe nazar aýdaryp, «Nurly jol» infraqurylymdy damytý baǵdarlamasy men Ońtústik koreialyq «Jańa soltústik saiasat» baǵdarlamasynyń strategiialyq basymdyqtarynyń jaqyndyǵyn aitty.
– Biz birlesken infraqurylymdyq jobalardy qatar júzege asyra otyryp, kólik-tranzit baǵdaryn damytý qajettigi jóninde ózara túsinistikke qol jetkizdik. Qytaidyń Tynyq muhity jaǵalaýyndaǵy Lianiýngan portynda jumys istep turǵan qazaqstandyq terminaldyń múmkindigin korei tarapynyń belsendi paidalaný máseleleri týraly túsinistikke qol jetkizildi, – dedi Qasym-Jomart Toqaev.
Qazaqstan Prezidenti investitsiialyq jobalardy júzege asyrýǵa qatysty shaǵyn jáne orta biznestiń múmkindikterin yntalandyrý isindegi eki eldiń bankteri men qarjy institýttarynyń ózara yqpaldastyǵynyń mańyzdy ekenin atap ótti. Sondai-aq, Ońtústik koreialyq kásipkerlerdi Ortalyq Aziia naryǵyna shyǵý úshin «Astana» halyqaralyq qarjy ortalyǵynyń alańyn paidalanýǵa shaqyrdy.
Qasym-Jomart Toqaev kelissózder barysynda bilim, densaýlyq salalary, Aral teńiziniń problemasyn sheshý, ekologiialyq apat aimaǵyndaǵy jaǵdaidy ońaltý jáne parlamenttik diplomatiia siiaqty birqatar máseleler boiynsha ýaǵdalastyqqa qol jetkizilgenin aitty.
Sońynda Qazaqstan Prezidenti Ońtústik koreialyq delegatsiiaǵa jáne Prezident Mýn Chje In myrzaǵa mazmundy kelissózder úshin rizashylyǵyn jetkizip, bul sapar Qazaqstan men Koreianyń arasyndaǵy dostyq pen ózara senimge, áriptestikke negizdelgen yntymaqtastyń odan ári damýyna tyń serpin beretinine senim bildirdi.
***
Memlekettik sapar qorytyndysy boiynsha mynadai qujattarǵa qol qoiyldy:
1. Qazaqstan Respýblikasy men Koreia Respýblikasynyń birlesken málimdemesi;
2. Qazaqstan Respýblikasy men Koreia Respýblikasy arasyndaǵy Sottalǵan adamdardy berý týraly shart;
3. Qazaqstan Respýblikasy men Koreia Respýblikasynyń «Samal jel» jańarǵan ekonomikalyq yntymaqtastyq baǵdarlamasy;
4. Qazaqstan Respýblikasynyń Tsifrlyq damý, qorǵanys jáne aeroǵarysh ónerkásibi ministrligi men Koreia Respýblikasynyń Ǵylym jáne aqparattyq-kommýnikativtik tehnologiialar ministrligi arasyndaǵy Tórtinshi ónerkásip revoliýtsiiasy jónindegi memorandým;
5. Qazaqstan Respýblikasynyń Tsifrlyq damý, qorǵanys jáne aeroǵarysh ónerkásibi ministrligi men Koreia Respýblikasynyń Ǵylym jáne aqparattyq-kommýnikativtik tehnologiialar ministrligi arasyndaǵy Birlesken Halyqaralyq IT ortalyǵyn qurý jónindegi niettestik týraly hattama;
6. Qazaqstan Respýblikasynyń Tsifrlyq damý, qorǵanys jáne aeroǵarysh ónerkásibi ministrligi men Koreia Respýblikasynyń Ǵylym jáne aqparattyq-kommýnikativtik tehnologiialar ministrligi arasyndaǵy Ǵarysh keńistigin beibit maqsatta birlese zertteý jáne paidalaný salasynda ózara túsinistik týraly memorandým;
7. Qazaqstan Respýblikasynyń Densaýlyq saqtaý ministrligi men Koreia Respýblikasynyń Densaýlyq saqtaý jáne áleýmettik qamsyzdandyrý ministrligi arasyndaǵy Densaýlyq salasynda «Samal jel» baǵdarlamasyn júzege asyrý jónindegi jospar;
8. Qazaqstan Respýblikasy Qarjy ministrliginiń Memlekettik kiris komiteti men Koreia Respýblikasynyń Keden qyzmeti arasyndaǵy ýákiletti ekonomikalyq operatorlardy moiyndaý jónindegi ózara túsinistik týraly memorandým.
