قازاقستان پرەزيدەنتٸ قاسىم-جومارت توقاەۆ پەن كورەيا پرەزيدەنتٸ مۋن چجە ين جٷرگٸزٸلگەن كەلٸسسٶزدەردٸڭ قورىتىندىسى بويىنشا باق ٶكٸلدەرٸ ٷشٸن بريفينگ ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
جۋرناليستەر الدىندا سٶيلەگەن سٶزٸندە مەملەكەت باسشىسى قاسىم-جومارت توقاەۆ پرەزيدەنت مۋن چجە ين باستاعان وڭتٷستٸك كورەيالىق دەلەگاتسييانى قوناقجاي قازاق جەرٸندە قابىلداۋ ٷلكەن مەرتەبە دەپ اتاپ, بۇل مەملەكەتتٸك ساپاردىڭ ەكٸ ەلدٸڭ ستراتەگييالىق قارىم-قاتىناستارىنىڭ ون جىلدىعىنا وراي ٶتۋٸ ٶزٸندٸك مەنگە يە ەكەنٸن ايتتى.
مەملەكەت باسشىسى كورەيا رەسپۋبليكاسىن ساۋدا-ەكونوميكالىق تۇرعىدان ازيياداعى ەڭ ٸرٸ ەكٸنشٸ ەرٸپتەس ەكەنٸنە جەنە جاھاندىق, ايماقتىق دەڭگەيلەردەگٸ ەرتٷرلٸ مەسەلەلەر بويىنشا ىنتىماقتاستىقتىڭ جوعارى دەڭگەيٸ قالىپتاسقانىنا توقتالدى.
قازاقستاننىڭ ەلەمدٸك يادرولىق قارۋعا قارسى قوزعالىستاعى كٶشباسشىلىق رٶلٸن اتاپ ٶتكەن قاسىم-جومارت توقاەۆ كورەي تٷبەگٸن دەنۋكلەاريزاتسييالاۋ بويىنشا سەۋلدٸڭ قادامىن قولدايتىنىن ايتتى. پرەزيدەنتتٸڭ پٸكٸرٸنشە, بۇل مەسەلە ەلەم بويىنشا قاۋٸپسٸزدٸكتٸ, تۇراقتىلىق پەن ورنىقتى دامۋدى قامتاماسىز ەتۋ ٷشٸن ٶتە ماڭىزدى.
– بٸز كورەيارالىق ديالوگتىڭ دامۋىن جٸتٸ باقىلاپ وتىرمىز. وڭتٷستٸك كورەيا كٶشباسشىسى مۋن چجە ين مىرزانىڭ وسى تاعدىرشەشتٸ ٷدەرٸستە بەيبٸتشٸلٸك پەن مٷددەلٸ تاراپتار اراسىنداعى كەلٸسسٶزدەردٸ قايتا باستاۋعا باعىتتالعان ەڭبەگٸن جوعارى باعالايمىز, – دەدٸ قازاقستان پرەزيدەنتٸ.
مەملەكەت باسشىسى جۋرناليستەرگە كورەيلٸك ەرٸپتەسٸمەن بولعان كەلٸسسٶزدەر بارىسىندا ەكٸجاقتى ىنتىماقتاستىقتىڭ, حالىقارالىق جەنە ٶڭٸرلٸك كٷن تەرتٸبٸندەگٸ مەسەلەلەر تالقىلانعانى جٶنٸندە ايتتى.
قاسىم-جومارت توقاەۆ ەكٸ ەل اراسىنداعى حالىقارالىق ىنتىماقتاستىق مەسەلەلەرٸنە ارنايى توقتالدى.
– قازاقستان وڭتٷستٸك كورەيامەن بٸرٸككەن ۇلتتار ۇيىمى, دٷنيەجٷزٸلٸك ساۋدا ۇيىمى, «ورتالىق ازييا – كورەيا رەسپۋبليكاسى» فورۋمى جەنە تاعى باسقا قۇرىلىمدار اياسىندا تىعىز قارىم-قاتىناس جاساپ وتىر. بٷگٸنگٸ ساپاردان كەيٸن بٸزدٸڭ ەرٸپتەستٸگٸمٸزدٸڭ اياسى كەڭەيە تٷسەتٸنٸ سٶزسٸز, – دەدٸ قازاقستان پرەزيدەنتٸ.
مەملەكەت باسشىسى ساۋدا-ەكونوميكالىق بايلانىستاردى نىعايتۋدىڭ ماڭىزدىلىعىن اتاپ ٶتٸپ, بۇل جۇمىستاردىڭ نەگٸزگٸ باسىمدىعى قازاقستان مەن وڭتٷستٸك كورەيا اراسىندا بٷگٸن قول قويىلعان «سامال جەل» جاڭا ەكونوميكالىق ىنتىماقتاستىق باعدارلاماسىندا كٶرٸنٸس تاپقانىن ايتتى.
– بٸزدٸڭ ەلدەرٸمٸز قازٸردٸڭ ٶزٸندە ماشينا جاساۋ, جول قۇرىلىسى جەنە ينفراقۇرىلىم, اۋىل شارۋاشىلىعى, قارجى سەكتورى, دەنساۋلىق ساقتاۋ, اقپاراتتىق جەنە كوممۋنيكاتسييالىق تەحنولوگييا سالالارى بويىنشا ٸرٸ جوبالاردى جٷزەگە اسىرىپ جاتىر. كورەيا بيزنەسٸنٸڭ ىنتىماقتاستىقتى جانداندىرۋعا مٷددەلٸلٸك تانىتۋى قۋانتادى. بٷگٸندە 500-دەن استام بٸرلەسكەن كەسٸپورىن قازاقستان اۋماعىندا بەلسەندٸ جۇمىس ٸستەيدٸ. بۇلاردىڭ قاتارى ارتا تٷسەدٸ دەپ ويلايمىن, – دەدٸ قاسىم-جومارت توقاەۆ.
بريفينگ بارىسىندا قازاقستان پرەزيدەنتٸ ەلٸمٸزدٸڭ كورەيالىق ينۆەستيتسييالىق تەحنولوگييانىڭ ەنگٸزٸلۋٸنە مٷددەلٸلٸگٸن تاعى دا ناقتىلادى. سونداي-اق, ساۋدا-ەكونوميكالىق جەنە عىلىمي-تەحنولوگييالىق ىنتىماقتاستىق جٶنٸندەگٸ ٷكٸمەتارالىق كوميسسييانىڭ جۇمىسىن جانداندىرۋعا قاتىستى ۋاعدالاستىق تۋرالى جەنە نۇر-سۇلتان قالاسىندا قازاقستان - وڭتٷستٸك كورەيا حالىقارالىق IT-ورتالىعىن اشۋ جٶنٸندە ايتتى.
سونىمەن قاتار, مەملەكەت باسشىسى كٶلٸك-ينفراقۇرىلىم سالۋ جٶنٸندەگٸ ىنتىماقتاستىقتى تەرەڭدەتۋ مەسەلەسٸنە ەرەكشە نازار اۋدارىپ, «نۇرلى جول» ينفراقۇرىلىمدى دامىتۋ باعدارلاماسى مەن وڭتٷستٸك كورەيالىق «جاڭا سولتٷستٸك ساياسات» باعدارلاماسىنىڭ ستراتەگييالىق باسىمدىقتارىنىڭ جاقىندىعىن ايتتى.
– بٸز بٸرلەسكەن ينفراقۇرىلىمدىق جوبالاردى قاتار جٷزەگە اسىرا وتىرىپ, كٶلٸك-ترانزيت باعدارىن دامىتۋ قاجەتتٸگٸ جٶنٸندە ٶزارا تٷسٸنٸستٸككە قول جەتكٸزدٸك. قىتايدىڭ تىنىق مۇحيتى جاعالاۋىنداعى ليانيۋنگان پورتىندا جۇمىس ٸستەپ تۇرعان قازاقستاندىق تەرمينالدىڭ مٷمكٸندٸگٸن كورەي تاراپىنىڭ بەلسەندٸ پايدالانۋ مەسەلەلەرٸ تۋرالى تٷسٸنٸستٸككە قول جەتكٸزٸلدٸ, – دەدٸ قاسىم-جومارت توقاەۆ.
قازاقستان پرەزيدەنتٸ ينۆەستيتسييالىق جوبالاردى جٷزەگە اسىرۋعا قاتىستى شاعىن جەنە ورتا بيزنەستٸڭ مٷمكٸندٸكتەرٸن ىنتالاندىرۋ ٸسٸندەگٸ ەكٸ ەلدٸڭ بانكتەرٸ مەن قارجى ينستيتۋتتارىنىڭ ٶزارا ىقپالداستىعىنىڭ ماڭىزدى ەكەنٸن اتاپ ٶتتٸ. سونداي-اق, وڭتٷستٸك كورەيالىق كەسٸپكەرلەردٸ ورتالىق ازييا نارىعىنا شىعۋ ٷشٸن «استانا» حالىقارالىق قارجى ورتالىعىنىڭ الاڭىن پايدالانۋعا شاقىردى.
قاسىم-جومارت توقاەۆ كەلٸسسٶزدەر بارىسىندا بٸلٸم, دەنساۋلىق سالالارى, ارال تەڭٸزٸنٸڭ پروبلەماسىن شەشۋ, ەكولوگييالىق اپات ايماعىنداعى جاعدايدى وڭالتۋ جەنە پارلامەنتتٸك ديپلوماتييا سيياقتى بٸرقاتار مەسەلەلەر بويىنشا ۋاعدالاستىققا قول جەتكٸزٸلگەنٸن ايتتى.
سوڭىندا قازاقستان پرەزيدەنتٸ وڭتٷستٸك كورەيالىق دەلەگاتسيياعا جەنە پرەزيدەنت مۋن چجە ين مىرزاعا مازمۇندى كەلٸسسٶزدەر ٷشٸن ريزاشىلىعىن جەتكٸزٸپ, بۇل ساپار قازاقستان مەن كورەيانىڭ اراسىنداعى دوستىق پەن ٶزارا سەنٸمگە, ەرٸپتەستٸككە نەگٸزدەلگەن ىنتىماقتاستىڭ ودان ەرٸ دامۋىنا تىڭ سەرپٸن بەرەتٸنٸنە سەنٸم بٸلدٸردٸ.
***
مەملەكەتتٸك ساپار قورىتىندىسى بويىنشا مىناداي قۇجاتتارعا قول قويىلدى:
1. قازاقستان رەسپۋبليكاسى مەن كورەيا رەسپۋبليكاسىنىڭ بٸرلەسكەن مەلٸمدەمەسٸ;
2. قازاقستان رەسپۋبليكاسى مەن كورەيا رەسپۋبليكاسى اراسىنداعى سوتتالعان ادامداردى بەرۋ تۋرالى شارت;
3. قازاقستان رەسپۋبليكاسى مەن كورەيا رەسپۋبليكاسىنىڭ «سامال جەل» جاڭارعان ەكونوميكالىق ىنتىماقتاستىق باعدارلاماسى;
4. قازاقستان رەسپۋبليكاسىنىڭ تسيفرلىق دامۋ, قورعانىس جەنە اەروعارىش ٶنەركەسٸبٸ مينيسترلٸگٸ مەن كورەيا رەسپۋبليكاسىنىڭ عىلىم جەنە اقپاراتتىق-كوممۋنيكاتيۆتٸك تەحنولوگييالار مينيسترلٸگٸ اراسىنداعى تٶرتٸنشٸ ٶنەركەسٸپ رەۆوليۋتسيياسى جٶنٸندەگٸ مەموراندۋم;
5. قازاقستان رەسپۋبليكاسىنىڭ تسيفرلىق دامۋ, قورعانىس جەنە اەروعارىش ٶنەركەسٸبٸ مينيسترلٸگٸ مەن كورەيا رەسپۋبليكاسىنىڭ عىلىم جەنە اقپاراتتىق-كوممۋنيكاتيۆتٸك تەحنولوگييالار مينيسترلٸگٸ اراسىنداعى بٸرلەسكەن حالىقارالىق ٸت ورتالىعىن قۇرۋ جٶنٸندەگٸ نيەتتەستٸك تۋرالى حاتتاما;
6. قازاقستان رەسپۋبليكاسىنىڭ تسيفرلىق دامۋ, قورعانىس جەنە اەروعارىش ٶنەركەسٸبٸ مينيسترلٸگٸ مەن كورەيا رەسپۋبليكاسىنىڭ عىلىم جەنە اقپاراتتىق-كوممۋنيكاتيۆتٸك تەحنولوگييالار مينيسترلٸگٸ اراسىنداعى عارىش كەڭٸستٸگٸن بەيبٸت ماقساتتا بٸرلەسە زەرتتەۋ جەنە پايدالانۋ سالاسىندا ٶزارا تٷسٸنٸستٸك تۋرالى مەموراندۋم;
7. قازاقستان رەسپۋبليكاسىنىڭ دەنساۋلىق ساقتاۋ مينيسترلٸگٸ مەن كورەيا رەسپۋبليكاسىنىڭ دەنساۋلىق ساقتاۋ جەنە ەلەۋمەتتٸك قامسىزداندىرۋ مينيسترلٸگٸ اراسىنداعى دەنساۋلىق سالاسىندا «سامال جەل» باعدارلاماسىن جٷزەگە اسىرۋ جٶنٸندەگٸ جوسپار;
8. قازاقستان رەسپۋبليكاسى قارجى مينيسترلٸگٸنٸڭ مەملەكەتتٸك كٸرٸس كوميتەتٸ مەن كورەيا رەسپۋبليكاسىنىڭ كەدەن قىزمەتٸ اراسىنداعى ۋەكٸلەتتٸ ەكونوميكالىق وپەراتورلاردى مويىنداۋ جٶنٸندەگٸ ٶزارا تٷسٸنٸستٸك تۋرالى مەموراندۋم.
