Qazaqstan men Kolýmbiia arasynda vizasyz rejim ornatyldy, dep habarlaidy "Ult aqparat" QR Syrtqy ister ministrligine silteme jasap.
«Kolýmbiia astanasynda eki eldiń Syrtqy ister ministrleriniń orynbasarlary deńgeiindegi Qazaqstan-Kolýmbiia SIM-aralyq saiasi konsýltatsiiasynyń kezekti raýndy ótti. Kelissózder barysynda Qazaqstan Syrtqy ister ministriniń orynbasary Erjan Ashyqbaev energetika, taý-ken ónerkásibi salasyndaǵy ekijaqty yntymaqtastyqty damytýdyń jaqsy áleýetine, sondai-aq Qazaqstan Respýblikasynyń tranzittik jáne kóliktik múmkindikteriniń tartymdylyǵyn eskere otyryp, shaǵyn jáne orta biznes arasynda iskerlik bailanystardy ornatýǵa nazar aýdardy. Qazaqstan syrtqy saiasat vedomstvonyń basshysy Muhtar Tileýberdiniń Kolýmbiianyń jańadan taǵaiyndalǵan Syrtqy ister ministri Klaýdia Bliýmǵa arnalǵan quttyqtaýyn jetkize otyryp, qazaqstandyq diplomat Nur-Sultan qalasynda saiasi konsýltatsiialardyń kelesi raýndyn onyń qatysýymen ótkiziletinine senim bildirdi», - dedi QR SIM-nen.
Óz kezeginde, Kolýmbiia Syrtqy ister ministriniń orynbasary Fransisko Echeverri saiasi dialogtyń damýyna joǵary baǵa berip, 2015 jyldan ótkizilip júrgen qazaqstandyq diplomattar men QR Prezidentiniń janyndaǵy Memlekettik basqarý akademiiasynyń stýdentteri úshin ispan tili kýrstaryn jalǵastyrýǵa daiyn ekendigin jetkizdi. Sondai-aq saýda-ekonomikalyq jáne mádeni-gýmanitarlyq yntymaqtastyqtyń keńeiýine úmit bildirdi.
Kelissózder barysynda Taraptar halyqaralyq beibitshilik pen qaýipsizdikti saqtaý, jańa synaqtar men qaýip-qaterlerge qarsy áreket etý, iadrolyq qarýdy taratpaý jáne terrorizmge qarsy kúres máselelerimen tyǵyz jumys isteýge qyzyǵýshylyq bildirdi. Budan bólek EYDU-ǵa qosylýdyń praktikalyq aspektilerin talqylap, halyqaralyq uiymdar sheńberindegi ózara qoldaý týraly ýaǵdalasty.
Kelissózderdiń qorytyndylary boiynsha eki eldiń syrtqy saiasi vedomstvolarynyń ókilderi diplomatiialyq jáne qyzmettik pasportqa ie azamattardy vizalyq talaptardan bosatý týraly kelisimge qol qoidy.
