قازاقستان مەن كولۋمبييا اراسىندا ۆيزاسىز رەجٸم ورناتىلدى, دەپ حابارلايدى "ۇلت اقپارات" قر سىرتقى ٸستەر مينيسترلٸگٸنە سٸلتەمە جاساپ.
«كولۋمبييا استاناسىندا ەكٸ ەلدٸڭ سىرتقى ٸستەر مينيسترلەرٸنٸڭ ورىنباسارلارى دەڭگەيٸندەگٸ قازاقستان-كولۋمبييا سٸم-ارالىق ساياسي كونسۋلتاتسيياسىنىڭ كەزەكتٸ راۋندى ٶتتٸ. كەلٸسسٶزدەر بارىسىندا قازاقستان سىرتقى ٸستەر مينيسترٸنٸڭ ورىنباسارى ەرجان اشىقباەۆ ەنەرگەتيكا, تاۋ-كەن ٶنەركەسٸبٸ سالاسىنداعى ەكٸجاقتى ىنتىماقتاستىقتى دامىتۋدىڭ جاقسى ەلەۋەتٸنە, سونداي-اق قازاقستان رەسپۋبليكاسىنىڭ ترانزيتتٸك جەنە كٶلٸكتٸك مٷمكٸندٸكتەرٸنٸڭ تارتىمدىلىعىن ەسكەرە وتىرىپ, شاعىن جەنە ورتا بيزنەس اراسىندا ٸسكەرلٸك بايلانىستاردى ورناتۋعا نازار اۋداردى. قازاقستان سىرتقى ساياسات ۆەدومستۆونىڭ باسشىسى مۇحتار تٸلەۋبەردٸنٸڭ كولۋمبييانىڭ جاڭادان تاعايىندالعان سىرتقى ٸستەر مينيسترٸ كلاۋديا بليۋمعا ارنالعان قۇتتىقتاۋىن جەتكٸزە وتىرىپ, قازاقستاندىق ديپلومات نۇر-سۇلتان قالاسىندا ساياسي كونسۋلتاتسييالاردىڭ كەلەسٸ راۋندىن ونىڭ قاتىسۋىمەن ٶتكٸزٸلەتٸنٸنە سەنٸم بٸلدٸردٸ», - دەدٸ قر سٸم-نەن.
ٶز كەزەگٸندە, كولۋمبييا سىرتقى ٸستەر مينيسترٸنٸڭ ورىنباسارى فرانسيسكو ەچەۆەرري ساياسي ديالوگتىڭ دامۋىنا جوعارى باعا بەرٸپ, 2015 جىلدان ٶتكٸزٸلٸپ جٷرگەن قازاقستاندىق ديپلوماتتار مەن قر پرەزيدەنتٸنٸڭ جانىنداعى مەملەكەتتٸك باسقارۋ اكادەميياسىنىڭ ستۋدەنتتەرٸ ٷشٸن يسپان تٸلٸ كۋرستارىن جالعاستىرۋعا دايىن ەكەندٸگٸن جەتكٸزدٸ. سونداي-اق ساۋدا-ەكونوميكالىق جەنە مەدەني-گۋمانيتارلىق ىنتىماقتاستىقتىڭ كەڭەيۋٸنە ٷمٸت بٸلدٸردٸ.
كەلٸسسٶزدەر بارىسىندا تاراپتار حالىقارالىق بەيبٸتشٸلٸك پەن قاۋٸپسٸزدٸكتٸ ساقتاۋ, جاڭا سىناقتار مەن قاۋٸپ-قاتەرلەرگە قارسى ەرەكەت ەتۋ, يادرولىق قارۋدى تاراتپاۋ جەنە تەرروريزمگە قارسى كٷرەس مەسەلەلەرٸمەن تىعىز جۇمىس ٸستەۋگە قىزىعۋشىلىق بٸلدٸردٸ. بۇدان بٶلەك ەىدۇ-عا قوسىلۋدىڭ پراكتيكالىق اسپەكتٸلەرٸن تالقىلاپ, حالىقارالىق ۇيىمدار شەڭبەرٸندەگٸ ٶزارا قولداۋ تۋرالى ۋاعدالاستى.
كەلٸسسٶزدەردٸڭ قورىتىندىلارى بويىنشا ەكٸ ەلدٸڭ سىرتقى ساياسي ۆەدومستۆولارىنىڭ ٶكٸلدەرٸ ديپلوماتييالىق جەنە قىزمەتتٸك پاسپورتقا يە ازاماتتاردى ۆيزالىق تالاپتاردان بوساتۋ تۋرالى كەلٸسٸمگە قول قويدى.
