Qazaqstan men Katar birlesken investitsiialyq jobalardy pysyqtady. Bul týraly QR Syrtqy ister ministrliginen málim etti, dep habarlaidy "Ult aqparat".
Vedomstvo aqparatyna sáikes, Katar Ámiri sheih Tamim bin Hamad Ál-Tanidiń Qazaqstanǵa memlekettik sapary qarsańynda Prezident Qasym-Jomart Toqaevtyń tapsyrmasy boiynsha QR Syrtqy ister ministriniń orynbasary Almas Aidarov bastaǵan qazaqstandyq delegatsiianyń Qatarǵa jumys sapary ótýde.
Sapardyń maqsaty – birlesken naqty investitsiialyq jobalardy pysyqtaý. Delegatsiia quramyna Indýstriia jáne infraqurylymdyq damý ministrligi men Mádeniet jáne sport ministrliginiń basshylyqtary, sondai-aq «Samuryq-Qazyna» UÁQ AQ, «KAZAKH INVEST» UK» AQ, «Astana» halyqaralyq qarjy ortalyǵynyń jáne Qazaqstannyń birqatar jeke kompaniialarynyń ókilderi kirdi.
«Moiyndaýymyz kerek, biz Qatardyń barlyq múmkindikteri men osy eldiń bizge degen dostyq qarym-qatynasyna qaramastan, álemdik investor retindegi áleýetin tolyq kólemde paidalanǵan joqpyz. Katar – jan basyna shaqqandaǵy JIÓ-niń úshinshi kórsetkishi bar, búkil álemde progressivti kózqarasy bar jáne Qatar Investment Authority táýelsiz qor arqyly eń úzdik aktivterde investitsiialyq qatysýy bar bai memleket. Biraq osynyń bári eskere otyryp, bizde is júzinde birlesken investitsiialyq jobalar joqtyǵyn belgilegim kelip tur. Bul bizdiń kemshiligimiz jáne biz Katardy qaita ashýymyz kerek», - dedi Almas Aidarov.
Sapar barysynda delegatsiia músheleri Katar Ortalyq bankiniń tóraǵasymen, sondai-aq «Qatar Sports Investments», «Qatar Mining», «Qatari Diar», «Hassad Food», «Widam», «Katara Hospitality» ulttyq kompaniialarynyń, «Qatar Investment Authority» Egemen qorynyń birinshi basshylarymen, sondai-aq Katar biznesmender qaýymdastyǵymen, basqa da jeke investorlarmen kelissózder júrgizdi.
Aldyńǵy ýaǵdalastyqtardyń jalǵasy retinde qazaqstandyq delegatsiia taý-ken metallýrgiia, agro jáne qorǵanys ónerkásip keshenderi, týrizm, munai-himiia siiaqty salalarda jalpy baǵasy 4,6 mlrd dollardy quraityn 37 daiyn «brownfield» jobasyn usyndy. Bul jobalardyń qazaqstandyq senimdi seriktesteri bar jáne olar katarlyq investitsiialyq saiasattyń ereksheligin eskere otyryp iriktelgen.
Qazirdiń ózinde Almaty oblysynda mal sharýashylyǵy men sút óndirý, taý-ken metallýrgiia kesheni men qorǵanys ónerkásibi salalaryndaǵy jobalar boiynsha belsendi kelissózder bastaldy. Sondai-aq, týristik infraqurylymdy keńeitý sheńberinde investorlar tarapynan Almaty jáne Mańǵystaý oblystarynda týristik obektilerdi salý múmkindigine suranys alyndy.
