Aldaǵy ýaqytta Qazaqstan men Izrail arasynda tikelei áýe qatynasy ashylady. Bul týraly Astanada ótip jatqan Qazaqstan-Izrail biznes forýmynda QR Premer-ministri Baqytjan Saǵyntaev málimdedi, dep habarlaidy "Ult aqparat".
«Ókinishke qarai, Qazaqstan men Izrail arasynda tikelei áýe qatynasy joq. Alaida, bul máseleni sheshýge bolady. Búgin tiisti sheshimder qabyldanyp jatyr. Biz aldaǵy ýaqytta Qazaqstan men Izrail arasynda aptasyna 5 reis ushyrýǵa daiynbyz», - dedi Úkimet basshysy.
Aita keteiik, búgin Astanada Izrail premer-ministri Biniamin Netaniahýdyń Qazaqstanǵa resmi sapary aiasynda qos eldiń resmi tulǵalary jáne isker toptarynyń qatysýymen Qazaqstan-Izrail biznes forýmy ótken bolatyn. Forýmnyń jumysyna qos eldiń biznes jáne úkimettik emes uiymdarynyń 400-den astam ókili qatysty. 2016 jyldyń 1 qarashasyna deiingi málimetke sáikes, Qazaqstanda izraildik kapitaldyń qatysýymen 254 kásiporyn tirkelgen. Onyń 112-si jumys isteýde.
.jpeg)