Elshi Aidarbek Tumatov Iordaniianyń Ónerkásip, saýda jáne jabdyqtaý ministri, Qazaqstan-Iordaniia Úkimetaralyq komissiiasynyń (ÚAK) teń tóraǵasy Maha ál-Álimen kezdesý ótkizdi, dep habarlaidy QR SIM baspasóz qyzmeti.
Oryn alǵan suhbat barysynda jańa qyzmetke taǵaiyndalýyna bailanysty ÚAK qazaqstandyq bóliginiń teń tóraǵasy, QR Aýyl sharýashylyǵy ministri Saparhan Omarovtyń quttyqtaýy tabystalyp, atalmysh hatta úkimetaralyq yntymaqtastyqty barlyq negizgi baǵyttar boiynsha odan ári tereńdetýge qyzyǵýshylyq bildirildi.
Óz kezeginde, M.ál-Áli ekijaqty yntymaqtastyqty sapaly jańa deńgeige kóterý úshin bar áleýetti ashýǵa, sonyń ishinde taýar ainalymyn ulǵaitý men eki eldiń ózara árekettesý formalaryn ártaraptandyrý úshin jaǵdai jasaýǵa múddelilik tanytty.
Osy rette, ústimizdegi jyldyń ortasynda Ammanda úkimetaralyq komissiianyń kezekti 5-shi otyrysyn, sondai-aq Qazaqstan-Iordaniia biznes forýmyn ótkizýge qatysty máseleler talqylandy.
