ەلشٸ ايداربەك تۇماتوۆ يوردانييانىڭ ٶنەركەسٸپ, ساۋدا جەنە جابدىقتاۋ مينيسترٸ, قازاقستان-يوردانييا ٷكٸمەتارالىق كوميسسيياسىنىڭ (ٷاك) تەڭ تٶراعاسى ماحا ەل-ەليمەن كەزدەسۋ ٶتكٸزدٸ, دەپ حابارلايدى قر سٸم باسپاسٶز قىزمەتٸ.
ورىن العان سۇحبات بارىسىندا جاڭا قىزمەتكە تاعايىندالۋىنا بايلانىستى ٷاك قازاقستاندىق بٶلٸگٸنٸڭ تەڭ تٶراعاسى, قر اۋىل شارۋاشىلىعى مينيسترٸ ساپارحان وماروۆتىڭ قۇتتىقتاۋى تابىستالىپ, اتالمىش حاتتا ٷكٸمەتارالىق ىنتىماقتاستىقتى بارلىق نەگٸزگٸ باعىتتار بويىنشا ودان ەرٸ تەرەڭدەتۋگە قىزىعۋشىلىق بٸلدٸرٸلدٸ.
ٶز كەزەگٸندە, م.ەل-ەلي ەكٸجاقتى ىنتىماقتاستىقتى ساپالى جاڭا دەڭگەيگە كٶتەرۋ ٷشٸن بار ەلەۋەتتٸ اشۋعا, سونىڭ ٸشٸندە تاۋار اينالىمىن ۇلعايتۋ مەن ەكٸ ەلدٸڭ ٶزارا ەرەكەتتەسۋ فورمالارىن ەرتاراپتاندىرۋ ٷشٸن جاعداي جاساۋعا مٷددەلٸلٸك تانىتتى.
وسى رەتتە, ٷستٸمٸزدەگٸ جىلدىڭ ورتاسىندا امماندا ٷكٸمەتارالىق كوميسسييانىڭ كەزەكتٸ 5-شٸ وتىرىسىن, سونداي-اق قازاقستان-يوردانييا بيزنەس فورۋمىن ٶتكٸزۋگە قاتىستى مەسەلەلەر تالقىلاندى.
