Búgin QR Premer-Ministri Baqytjan Saǵyntaev «EYDU-nyń Eýraziia aptalyǵy – 2017» forýmynyń ashylý saltanatyna qatysyp, shara qatysýshylaryna alǵy sózin arnady, dep habarlaidy "Ult aqparat" Úkimet basshysynyń saityna silteme jasap.
Qazaqstannnyń EYDU-men yntymaqtastyǵy 2008 jyldan bastap Eýraziialyq básekege qabilettilik baǵdarlamasy (EBB) aiasynda júzege asýda. Baǵdarlamanyń qatysýshylary — Kavkazdyń, Shyǵys Eýropanyń jáne Ortalyq Aziianyń 13 eli.
EBB aiasyndaǵy EYDU negizgi sharasy jyl saiynǵy qorytyndy shara — «Eýraziia aptalyǵy». Onda EYDU-ǵa múshe 35 eldiń ókilderi Eýraziialyq kontinenttiń seriktes elderimen qarym-qatynasty nyǵaitý joldaryn talqylaý úshin kezdesedi. Ótken jyly Parijde ótkizilgen «Eýraziia aptalyǵynyń» qorytyndysy boiynsha Qazaqstan 2017 jyly kóshpeli otyrys ótkizetin el retinde tańdaldy.
Búginde sharaǵa EYDU elderiniń elshileri men ministrleri, EBB-nyń 13 eliniń úkimetteri men memlekettik organdarynyń músheleri qatysýda. Sondai-aq, forýmǵa qatysý úshin EYDU bas hatshysy Anhel Gýrria keldi. Ol uiymǵa 2006 jyldan bastap basshylyq etedi, ótken jyly 2021 jylǵa deiin úshinshi merzimge qaita sailandy.
Baqytjan Saǵyntaev forýmnyń ashylý saltanatyndaǵy sózinde Qazaqstan Eýraziialyq keńistikte ekonomika men saýdany damytý boiynsha integratsiialyq protsesterge qoldaý bildiretinin atap ótti. Osyǵan orai, respýblika Eýraziiadaǵy áleýmettik jáne ekonomikalyq damýdyń turaqtylyǵyn arttyrýǵa, zamanaýi eksporttyq saiasatty quryp, EYDU-men tikelei yntymaqtastyq ornatý kezinde innovatsiialyq kásipkerlik qyzmetin yntalandyrýǵa úlesin qosýdy odan ári jalǵastyrýǵa nietti.
Anyqtama:
EYDU — demokratiia men erkin naryqtyq ekonomika qaǵidalaryna sáikes ózara áreket etýshi, básekege asa qabiletti elderdiń halyqaralyq ekonomikalyq birlestigi. N. Nazarbaevtyń tapsyrmasyna sáikes, Qazaqstan ekonomikasynyń úshinshi jańǵyrýy aiasynda Yntymaqtastyqtyń eldik baǵdarlamasyn iske asyrý qorytyndysy boiynsha alynǵan EYDU-nyń usynystary men úzdik tájiribelerin engizý úshin Ulttyq jol kartasynyń jobasy ázirlenip, bekitildi.
Biyl EYDU Eldik baǵdarlamanyń 2018 jyldyń sońyna deiin áreket etýin maquldady. Ol memlekettik satyp alýlar, biýdjettik basqarý, MJÁ, syni tegeýrinder, biznesti óńirlik damytý, salyq salý jáne t. b. baǵyttar boiynsha 13 jańa jobany iske asyrýdy kózdeidi.
.jpeg)