29 mamyr kúni Nur-sultan qalasynda qazaq-eston úkimetaralyq komissiiasynyń VI otyrysy ótti. Bul týraly QR Tsifrlyq damý, qorǵanys jáne aeroǵarysh ónerkásibi ministrliginiń baspasóz qyzmeti habarlady.
Kezdesý barysynda eki el arasyndaǵy saýda-ekonomikalyq, mádeni-gýmanitarlyq, ǵylymi-tehnikalyq jáne kólik-logistika salalaryndaǵy ózekti máseleler talqylandy. Basqosýǵa qatysqan QR Tsifrlyq damý, qorǵanys jáne aeroǵarysh ónerkásibi ministri Asqar Jumaǵaliev pen Estoniia Respýblikasynyń ekonomika jáne infraqurylym ministri Taavi Aas seriktestikti odan ári bekite túsýge nietti ekendikterin jetkizdi.
«Eki el arasynda belsendi dialog jolǵa qoiylǵan, birlesken ortaq jobalardyń jetkilikti qory bar. Qazaqstan territoriiasynda 72 estoniialyq kásiporyn bolsa, Estoniiada bizdiń 70 kompaniiamyz tirkelgen. Árine, yntymaqtastyqty nyǵaitý áleýeti áli de seziledi jáne men bizdiń komissiianyń jumysy osy múmkindikterge kómektesetinine senimdimin», – dep atap ótti Asqar Jumaǵaliev.
Al ministr Taavi Aas bolsa, Qazaqstannyń Estoniia úshin asa mańyzdy seriktes ekenin tilge tiek etip, ózara bailanysty odan saiyn kúsheitýge senim bildirdi.
Sonymen qatar, atalǵan otyrysta tsifrlandyrý keleshegine, onyń damýyna basa kóńil bólindi. Sondai-aq, tsifrlandyrý salasy boiynsha ekijaqty kelissózderdiń múmkindikteri qaraldy.
Jospar boiynsha Qazaqstan-Eston úkimetaralyq komissiiasynyń 7 otyrysy 2020 jyly Tallinde ótedi.
Aita keteiik, Qazaqstan-Eston úkimetaralyq komissiiasy (ÚAK) 2009 jyldyń qyrkúieginde qurylǵan bolatyn. Ol ekonomikalyq jáne ǵylymi-tehnikalyq yqtymaqtastyqty damytýǵa baǵyttalǵan. Buǵan qosa, bul alańda mádeni jáne gýmanitarlyq, kólik jáne logistikalyq salalar qaralyp, ekijaqty kelisimniń mańyzdy máseleleri talqylanady.
