QR Premer-Ministri Asqar Mamin Ábý-Dabi qalasyna jumys sapary aiasynda Birikken Arab Ámirlikteri (BAÁ) Premer-Ministriniń orynbasary, Prezident isteri jónindegi ministri sheih Mansur ben Zaid ál Nahaianmen kelissóz júrgizdi. Taraptar saýda-ekonomikalyq, qarjy-investitsiialyq, kólik-logistika, agroónerkásip, munai himiiasy, ǵarysh, taý ken metallýrgiiasy, energetika jáne basqa da salalardaǵy ekijaqty yntymaqtastyq keleshegin talqylady. Bul týraly primeminister.kz saity habarlady.
Kelissóz qorytyndysy boiynsha QR men BAÁ úkimetteri arasynda investitsiia máselesindegi yntymaqtastyq jónindegi qujatqa qol qoiyldy. Bul qujat 6,1 mlrd dollarǵa 21 jobany júzege asyrýdy kózdeidi. Investitsiialyq jobalar qosylǵan quny men rentabeldiligi joǵary, sondai-aq ishki jáne perspektivaly syrtqy naryqtarda suranystyń úlken áleýeti bar jańa óndiris oryndaryn qurýdy kózdeidi. Olardy iske asyrý Qazaqstanda jańa sapaly jumys oryndaryn ashýǵa, ozyq tehnologiialar men praktikany engizýge jol ashady.
«QR men BAÁ AÓK sektoryndaǵy yntymaqtastyq áleýetin iske asyrýǵa erekshe nazar aýdarady – josparlanǵan 21 jobanyń 10-y qosylǵan quny joǵary azyq-túlik ónimderin shyǵarýdy kózdeidi. Bul, Qazaqstanǵa BAÁ júzege asyryp jatqan 2051 jylǵa deiingi azyq-túlik qaýipsizdigi strategiiasynyń mańyzdy býynyna ainalýǵa múmkindik beredi jáne eki el arasyndaǵy taýar ainalymyn odan ári arttyrýǵa yqpal etetin bolady. Jumys saparyna Ulttyq ekonomika ministri R.ýslan Dálenov, Ádilet ministri Marat Beketaev, Nur-Sultan qalasynyń ákimi Altai Kólginov, Strategiialyq josparlaý jáne reformalar agenttigi tóraǵasynyń orynbasary Jasulan Mádiev, «Báiterek» UBH» AQ basqarma tóraǵasy Aidar Áriphanov jáne taǵy basqalary qatysty», - delingen aqparatta.
