قر پرەمەر-مينيسترٸ اسقار مامين ەبۋ-دابي قالاسىنا جۇمىس ساپارى اياسىندا بٸرٸككەن اراب ەمٸرلٸكتەرٸ (باە) پرەمەر-مينيسترٸنٸڭ ورىنباسارى, پرەزيدەنت ٸستەرٸ جٶنٸندەگٸ مينيسترٸ شەيح مانسۇر بەن زايد ەل ناحايانمەن كەلٸسسٶز جٷرگٸزدٸ. تاراپتار ساۋدا-ەكونوميكالىق, قارجى-ينۆەستيتسييالىق, كٶلٸك-لوگيستيكا, اگروٶنەركەسٸپ, مۇناي حيميياسى, عارىش, تاۋ كەن مەتاللۋرگيياسى, ەنەرگەتيكا جەنە باسقا دا سالالارداعى ەكٸجاقتى ىنتىماقتاستىق كەلەشەگٸن تالقىلادى. بۇل تۋرالى primeminister.kz سايتى حابارلادى.
كەلٸسسٶز قورىتىندىسى بويىنشا قر مەن باە ٷكٸمەتتەرٸ اراسىندا ينۆەستيتسييا مەسەلەسٸندەگٸ ىنتىماقتاستىق جٶنٸندەگٸ قۇجاتقا قول قويىلدى. بۇل قۇجات 6,1 ملرد دوللارعا 21 جوبانى جٷزەگە اسىرۋدى كٶزدەيدٸ. ينۆەستيتسييالىق جوبالار قوسىلعان قۇنى مەن رەنتابەلدٸلٸگٸ جوعارى, سونداي-اق ٸشكٸ جەنە پەرسپەكتيۆالى سىرتقى نارىقتاردا سۇرانىستىڭ ٷلكەن ەلەۋەتٸ بار جاڭا ٶندٸرٸس ورىندارىن قۇرۋدى كٶزدەيدٸ. ولاردى ٸسكە اسىرۋ قازاقستاندا جاڭا ساپالى جۇمىس ورىندارىن اشۋعا, وزىق تەحنولوگييالار مەن پراكتيكانى ەنگٸزۋگە جول اشادى.
«قر مەن باە اٶك سەكتورىنداعى ىنتىماقتاستىق ەلەۋەتٸن ٸسكە اسىرۋعا ەرەكشە نازار اۋدارادى – جوسپارلانعان 21 جوبانىڭ 10-ى قوسىلعان قۇنى جوعارى ازىق-تٷلٸك ٶنٸمدەرٸن شىعارۋدى كٶزدەيدٸ. بۇل, قازاقستانعا باە جٷزەگە اسىرىپ جاتقان 2051 جىلعا دەيٸنگٸ ازىق-تٷلٸك قاۋٸپسٸزدٸگٸ ستراتەگيياسىنىڭ ماڭىزدى بۋىنىنا اينالۋعا مٷمكٸندٸك بەرەدٸ جەنە ەكٸ ەل اراسىنداعى تاۋار اينالىمىن ودان ەرٸ ارتتىرۋعا ىقپال ەتەتٸن بولادى. جۇمىس ساپارىنا ۇلتتىق ەكونوميكا مينيسترٸ ر.ۋسلان دەلەنوۆ, ەدٸلەت مينيسترٸ مارات بەكەتاەۆ, نۇر-سۇلتان قالاسىنىڭ ەكٸمٸ التاي كٶلگٸنوۆ, ستراتەگييالىق جوسپارلاۋ جەنە رەفورمالار اگەنتتٸگٸ تٶراعاسىنىڭ ورىنباسارى جاسۇلان مەديەۆ, «بەيتەرەك» ۇبح» اق باسقارما تٶراعاسى ايدار ەرٸپحانوۆ جەنە تاعى باسقالارى قاتىستى», - دەلٸنگەن اقپاراتتا.
