Nur-Sultan, Almaty jáne Shymkentte 5G standartyndaǵy uialy bailanys testileýden ótedi, dep habarlaidy "Ult aqparat" Tsifrlyq damý, innovatsiialar jáne aeroǵarysh ónerkásibi ministrliginiń baspasóz qyzmetine silteme jasap.
«Qazaqstanda 5G jelisin engizýge qatysty saýaldar kóbeigendikten, QR Tsifrlyq damý, innovatsiialar jáne aeroǵarysh ónerkásibi ministrligi mynadai málimet beredi:
Qazaqstan Respýblikasy Radiojiilikter jónindegi memlekettik vedomstvoaralyq komissiiasy eldiń úsh qalasynda – Nur-Sultan, Almaty jáne Shymkentte 5G standartyndaǵy uialy bailanysty testileýden ótkizý týraly sheshim qabyldady.
Eshqandai operatordyń ekskliýzivti quqyǵy bolmaidy, jospar kestesine sáikes 5G uialy bailanysyn synaý múmkindigi belgili bir ýaqytqa «Qazaqtelekom» AQ, «Kar-Tel» JShS, «Ksell» AQ, «Mobail Telekom-Servis» JShS berildi.
5G standartyndaǵy uialy bailanystyń kommertsiialyq turǵyda usyný merzimin naqty aitý ázirshe múmkin emes», - delingen habarlamada.
Sondai-aq onda qazirgi tańda zań jobasy QR Parlamenti Senatynyń qaraýynda ekeni aitylǵan.
«Bul másele tolyqtai zań júzinde rettelgen soń ǵana konkýrs (nemese aýktsion) nátijesi boiynsha jeńgen operator 5G standartyn kommertsiialyq qoldanysqa engizetin bolady».
