نۇر-سۇلتان, الماتى جەنە شىمكەنتتە 5G ستاندارتىنداعى ۇيالى بايلانىس تەستٸلەۋدەن ٶتەدٸ, دەپ حابارلايدى "ۇلت اقپارات" تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
«قازاقستاندا 5G جەلٸسٸن ەنگٸزۋگە قاتىستى ساۋالدار كٶبەيگەندٸكتەن, قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ مىناداي مەلٸمەت بەرەدٸ:
قازاقستان رەسپۋبليكاسى راديوجيٸلٸكتەر جٶنٸندەگٸ مەملەكەتتٸك ۆەدومستۆوارالىق كوميسسيياسى ەلدٸڭ ٷش قالاسىندا – نۇر-سۇلتان, الماتى جەنە شىمكەنتتە 5G ستاندارتىنداعى ۇيالى بايلانىستى تەستٸلەۋدەن ٶتكٸزۋ تۋرالى شەشٸم قابىلدادى.
ەشقانداي وپەراتوردىڭ ەكسكليۋزيۆتٸ قۇقىعى بولمايدى, جوسپار كەستەسٸنە سەيكەس 5G ۇيالى بايلانىسىن سىناۋ مٷمكٸندٸگٸ بەلگٸلٸ بٸر ۋاقىتقا «قازاقتەلەكوم» اق, «كار-تەل» جشس, «كسەلل» اق, «موبايل تەلەكوم-سەرۆيس» جشس بەرٸلدٸ.
5G ستاندارتىنداعى ۇيالى بايلانىستىڭ كوممەرتسييالىق تۇرعىدا ۇسىنۋ مەرزٸمٸن ناقتى ايتۋ ەزٸرشە مٷمكٸن ەمەس», - دەلٸنگەن حابارلامادا.
سونداي-اق وندا قازٸرگٸ تاڭدا زاڭ جوباسى قر پارلامەنتٸ سەناتىنىڭ قاراۋىندا ەكەنٸ ايتىلعان.
«بۇل مەسەلە تولىقتاي زاڭ جٷزٸندە رەتتەلگەن سوڭ عانا كونكۋرس (نەمەسە اۋكتسيون) نەتيجەسٸ بويىنشا جەڭگەن وپەراتور 5G ستاندارتىن كوممەرتسييالىق قولدانىسقا ەنگٸزەتٸن بولادى».
