Qazaqstan maily daqyldar alqabyn 500 myń gektarǵa ulǵaitady. QR Aýyl sharýashylyǵy ministri Erbol Qarashókeev Úkimet otyrysynda osyndai málimet berdi, dep habarlaidy QazAqparat.
«Jospar úsh negizgi bólimnen turady, onda 31 is-sharany oryndaý kózdelgen, onyń ishinde 18 is-shara fizikalyq qoljetimdilikti qamtamasyz etý jóninde, 6 is-shara ekonomikalyq qaýipsizdikti qamtamasyz etý jóninde jáne 7 is-shara ónimniń qaýipsizdigi men sapasyn qamtamasyz etýge baǵyttalǵan», - dedi ministr.
Aitýynsha, 18 is-shara boiynsha negizgi oryndaýshy Aýyl sharýashylyǵy ministrligi. Sondai-aq,– Saýda jáne integratsiia ministrligine 5 is-shara boiynsha, Ekologiia, geologiia jáne tabiǵi resýrstar ministrligi men jergilikti atqarýshy organdarǵa 2 is-sharadan, Densaýlyq saqtaý, Energetika, Eńbek jáne halyqty áleýmettik qorǵaý, Ulttyq ekonomika ministrlikterine 1-1 is-sharadan aiqyndalǵan.
«Birinshi bólim aýyl sharýashylyǵy ónimderi óndirisiniń kólemin ulǵaitý jónindegi is-sharalardy iske asyrýǵa baǵyttalǵan jáne 18 is-sharany, onyń ishinde 1 jedel jáne 17 orta merzimdi is-sharany qamtidy.
Máselen, úsh jyl ishinde maily daqyldar alańdaryn 3 mln gektardan 3,5 mln gektarǵa deiin, kartop alańdaryn 200 myń gektardan 215 myń gektarǵa deiin, jemdik daqyldaryn 3,6 mln gektardan 4,2 mln. gektarǵa deiin ulǵaitý jolymen ósimdik sharýashylyǵynda ártaraptandyrý júrgiziletin bolady», -dedi Erbol Qarashókeev.
Sondai-aq, ministr úsh jyl ishinde iri qara mal basyn 9 mln basqa deiin, usaq maldy 20,1 mln basqa deiin, jylqy basyn 4 mln basqa deiin ulǵaitý josparda bar ekenin atap ótti.
«Kartopty, kókónis pen jemis saqtaý jónindegi investitsiialyq jobalardy iske asyrý 2022 jyly saqtaý qýatyn 98,3 myń tonnaǵa, 2023 jyly – 104,5 myń tonnaǵa, 2024 jyly – 19,6 myń tonnaǵa arttyrýǵa múmkindik beredi», - dedi vedomstvo basshysy.
