Memlekettik kirister komiteti táýekelderdi basqarý júiesin jetildirdi. Komitet tóraǵasy Marat Sultanǵaziev OKQ-da ótken jatqan baspasóz máslihatynda osylai dedi, dep habarlaidy "Ult aqparat".
«Qolǵa alynǵan sharalardyń arqasynda táýekelderdi basqarý júiesiniń tiimdiligi 73%-dy qurady. 53,5 myń zańbuzýshylyq anyqtaldy. Kedendik tekserýlerdiń jalpy tiimdiligi 51%-dy quraidy», - dedi ol.
Komitet bastyǵy inspektsiialyq jabdyqpen baqylaý-ótkizý pýnktterindegi kedendik operatsiialardy baqylaý úshin qurylǵan Ahýaldyq ortalyq oidaǵydai jumys istep turǵanyn atap ótti. Sonymen qatar rentgendik keskinderdi taldaý úshin jasandy intellekt engizý josparlanýda. Kedendik qunyn baqylaýdy ortalyqtandyrý jáne syrtqy saýda júkterin materialdyq-tehnikalyq jabdyqtaý shyǵyndaryn ońtailandyrý maqsatynda «Elektrondyq deklaratsiia ortalyǵy» qurylǵan.
«Bul jańashyldyqtardyń nátijesinde túsim 25 milliardtan astam teńgeni qurady. Kedendik ákimshilendirý sharalaryn kúsheitý arqyly biz Qytaimen kedendik statistikanyń sáikessizdigin 2017 jyly 60% -dan, 2019 jyly 48% -ǵa, al 2020 jyly 45% -ǵa deiin tómendete aldyq», - dedi ol.
