Qazaqstan men Qytai arasyndaǵy saýda-sattyqtaǵy statistikalyq derekter aiyrmashylyǵy 45 paiyzǵa tómendedi. Bul týraly búgin Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Ótken jyly memlekettik kirister organdary 11,4 myń salyqtyq tekserý júrgizdi. Bul 2019 jylmen salystyrǵanda 1,6 ese az, al nátije kórsetkishi 29 paiyzǵa artyq. Qashyqtan baqylaýdyń jańa ádisteri engizildi. Bul naqty taýarlary joq mámileler men qolma-qol aqshaǵa ainaldyrý boiynsha shemalarǵa qatysatyn táýekeli joǵary kompaniialardy onlain rejimde anyqtaýǵa múmkindik bar», - dedi ol.
Ministrdiń aitýynsha, «Qazynashylyq súiemeldeý» jobasyna qatysýshylar boiynsha tólengen salyq kólemi 24 paiyzǵa ósip, 2020 jyly 202 mlrd teńgeni qurady.
«Qytai Halyq Respýblikasynyń eksporty – Qazaqstan Respýblikasynyń importy baǵyty boiynsha statistikalyq derekterdegi aiyrmashylyqtar ótken jyly 45 paiyzǵa deiin tómendedi. Kedendik tekserýlerdiń tiimdiligi artyp, qosymsha 25 mlrd teńge túsirýge múmkindik berdi. Ákimshilendirý protsesterin avtomattandyrý jáne adami faktordy boldyrmaý maqsatynda «Eksporttyq baqylaý» modýli iske qosyldy jáne navigatsiialyq plombalardy paidalaný bastaldy. Osyǵan bailanysty Eýraziialyq ekonomikalyq odaq elderinen qosylǵan qun salyǵy 12,2 mlrd teńgege ósti jáne birinshi ret úshinshi elderden keletin importtan túsken túsimnen 34 mlrd teńgege asyp tústi», - dedi Erulan Jamaýbaev.
