QR Indýstriia jáne infraqurylymdyq damý ministrligi Qyrǵyzstanǵa gýmanitarlyq júk jiberdi, dep habarlaidy "Ult aqparat".
Vedomstvonyń málimetinshe, bul kómek QR Prezidenti Qasym-Jomart Toqaevtyń tapsyrmasymen jáne Úkimettiń 13 qarashadaǵy № 763 qaýlysyna sáikes berilip otyr.
Indýstriia jáne infraqurylymdyq damý ministrligi 23 qarashada Qyrǵyz Respýblikasyna aýyr júk kóligimen «Kókshetaý-4P» ókpeni jasandy jeldetý mobildi apparattarynyń 400 danasyn jáne Qazaqstan kásiporyndarynda óndirilgen 2 mln meditsinalyq maskany jiberdi.
Jiberilgen gýmanitarlyq júktiń jalpy quny - 390 mln teńgege jýyq.
Onyń ishinde «Tynys» AQ shyǵarǵan «Kókshetaý-4P» ókpeni jasandy jeldetý apparattarynyń quny - 328 mln teńge.
«Dolce pharm» JShS jáne «Mega pharm» JShS shyǵarǵan meditsinalyq betperde quny - 61 mln teńge.
