Qazaqstan men Qyrǵyzstan qorǵanys ministrleri áskeri yntymaqtastyq týraly qujattarǵa qol qoidy, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Qazaqstannyń Qorǵanys ministri general-leitenant Nurlan Ermekbaev Qyrǵyzstan Prezidentiniń resmi sapary aiasynda kelgen qyrǵyz áriptesi general-maior Talaibek Ómirálievpen kezdesti.
Taraptar áskeri yntymaqtastyqtyń, óńirlik qaýipsizdiktiń, UQShU, TMD, ShYU sheńberindegi kópjaqty ózara is-qimyldyń ózekti máseleleri jóninde pikir almasty.
Nurlan Ermekbaev pen Talaibek Ómiráliev Qyrǵyzstanǵa áskeri-tehnikalyq kómek kórsetý, sondai-aq 20212 jylǵa arnalǵan áskeri yntymaqtastyq jospary týraly kelisimge qol qoidy.
«Búgingi kezdesý barysynda qol jetkizilgen ýaǵdalastyqtar qorǵanys salasyndaǵy budan ári tájiribelik ózara is-qimylǵa negiz bolady dep senemin», - dep Qazaqstan qorǵanys vedomstvosynyń basshysy atap ótti.
Kezdesý barysynda eki eldiń Qarýly Kúshteri bólimsheleriniń jaýyngerlik daiyndyǵy, sonyń ishinde osy jyly Qazaqstan aýmaǵynda «Ańyraqai» birlesken oqý-jattyǵýyn ótkizý, biylǵy Armiia halyqaralyq oiyndarynyń saiystaryna qatysý, arnaiy operatsiialar kúshterin daiarlaý is-sharalary, sondai-aq áskeri bilim sheńberinde ári qarai ózara is-qimyl máseleleri talqylandy.
Aita keteiik, Qyrǵyzstan Prezidenti Sadyr Japarov Qazaqstanǵa memlekettik saparmen kelgen bolatyn.
Osy sapar aiasynda Qyrǵyzstan basshysy Qazaqstan Prezidenti Qasym-Jomart Toqaevpen shaǵyn jáne keńeitilgen quramda kelissózder júrgizdi.
Sondai-aq eki eldiń basshylary kelissózderdiń qorytyndysy boiynsha birqatar qujatqa qol qoidy.
