قازاقستان مەن قىرعىزستان قورعانىس مينيسترلەرٸ ەسكەري ىنتىماقتاستىق تۋرالى قۇجاتتارعا قول قويدى, دەپ حابارلايدى "ۇلت اقپارات" قر قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
قازاقستاننىڭ قورعانىس مينيسترٸ گەنەرال-لەيتەنانت نۇرلان ەرمەكباەۆ قىرعىزستان پرەزيدەنتٸنٸڭ رەسمي ساپارى اياسىندا كەلگەن قىرعىز ەرٸپتەسٸ گەنەرال-مايور تالايبەك ٶمٸرەليەۆپەن كەزدەستٸ.
تاراپتار ەسكەري ىنتىماقتاستىقتىڭ, ٶڭٸرلٸك قاۋٸپسٸزدٸكتٸڭ, ۇقشۇ, تمد, شىۇ شەڭبەرٸندەگٸ كٶپجاقتى ٶزارا ٸس-قيمىلدىڭ ٶزەكتٸ مەسەلەلەرٸ جٶنٸندە پٸكٸر الماستى.
نۇرلان ەرمەكباەۆ پەن تالايبەك ٶمٸرەليەۆ قىرعىزستانعا ەسكەري-تەحنيكالىق كٶمەك كٶرسەتۋ, سونداي-اق 20212 جىلعا ارنالعان ەسكەري ىنتىماقتاستىق جوسپارى تۋرالى كەلٸسٸمگە قول قويدى.
«بٷگٸنگٸ كەزدەسۋ بارىسىندا قول جەتكٸزٸلگەن ۋاعدالاستىقتار قورعانىس سالاسىنداعى بۇدان ەرٸ تەجٸريبەلٸك ٶزارا ٸس-قيمىلعا نەگٸز بولادى دەپ سەنەمٸن», - دەپ قازاقستان قورعانىس ۆەدومستۆوسىنىڭ باسشىسى اتاپ ٶتتٸ.
كەزدەسۋ بارىسىندا ەكٸ ەلدٸڭ قارۋلى كٷشتەرٸ بٶلٸمشەلەرٸنٸڭ جاۋىنگەرلٸك دايىندىعى, سونىڭ ٸشٸندە وسى جىلى قازاقستان اۋماعىندا «اڭىراقاي» بٸرلەسكەن وقۋ-جاتتىعۋىن ٶتكٸزۋ, بيىلعى ارمييا حالىقارالىق ويىندارىنىڭ سايىستارىنا قاتىسۋ, ارنايى وپەراتسييالار كٷشتەرٸن دايارلاۋ ٸس-شارالارى, سونداي-اق ەسكەري بٸلٸم شەڭبەرٸندە ەرٸ قاراي ٶزارا ٸس-قيمىل مەسەلەلەرٸ تالقىلاندى.
ايتا كەتەيٸك, قىرعىزستان پرەزيدەنتٸ سادىر جاپاروۆ قازاقستانعا مەملەكەتتٸك ساپارمەن كەلگەن بولاتىن.
وسى ساپار اياسىندا قىرعىزستان باسشىسى قازاقستان پرەزيدەنتٸ قاسىم-جومارت توقاەۆپەن شاعىن جەنە كەڭەيتٸلگەن قۇرامدا كەلٸسسٶزدەر جٷرگٸزدٸ.
سونداي-اق ەكٸ ەلدٸڭ باسشىلارى كەلٸسسٶزدەردٸڭ قورىتىندىسى بويىنشا بٸرقاتار قۇجاتقا قول قويدى.
