Búgin Dúniejúzilik janýarlar densaýlyǵyn saqtaý uiymynyń (MEB) resmi saitynda Qazaqstan qus tumaýynan taza el dep tanylǵany týraly aqparat jariialandy. Bul jóninde Aýyl sharýashylyǵy ministrliginiń resmi saityna silteme jasap QazAqparat habarlaidy.
«Bul - Qazaqstan Respýblikasynyń barlyq veterinarlyq qyzmetiniń, onyń ishinde Aýyl sharýashylyǵy ministrliginiń, Veterinarlyq baqylaý jáne qadaǵalaý komitetiniń, Qazaq veterinariia ǵylymi-zertteý institýty ujymdarynyń úlken eńbegi. Qus sharýashylyǵy salasy Qazaqstannyń agroónerkásip kesheniniń mańyzdy quramdas bóligi, onyń negizgi baǵyttary — jumyrtqa jáne et ónimderi» delingen habarlamada.
Qus tumaýynan taza el mártebesi elimizdiń agroónerkásip kesheniniń eksporttyq áleýetin iske asyrýǵa úlken múmkindik beredi jáne Qazaqstannyń ekonomikalyq damýy men imidjine oń áserin tigizetini anyq.
«Muny Memleket basshysynyń jańa naryqtardy ashý týraly tapsyrmasyn oryndaý maqsatynda atqarylǵan jumystardyń alǵashqy kórinisi dep ataýǵa bolady» deidi minitsrlikten.
