بٷگٸن دٷنيەجٷزٸلٸك جانۋارلار دەنساۋلىعىن ساقتاۋ ۇيىمىنىڭ (مەب) رەسمي سايتىندا قازاقستان قۇس تۇماۋىنان تازا ەل دەپ تانىلعانى تۋرالى اقپارات جارييالاندى. بۇل جٶنٸندە اۋىل شارۋاشىلىعى مينيسترلٸگٸنٸڭ رەسمي سايتىنا سٸلتەمە جاساپ قازاقپارات حابارلايدى.
«بۇل - قازاقستان رەسپۋبليكاسىنىڭ بارلىق ۆەتەرينارلىق قىزمەتٸنٸڭ, ونىڭ ٸشٸندە اۋىل شارۋاشىلىعى مينيسترلٸگٸنٸڭ, ۆەتەرينارلىق باقىلاۋ جەنە قاداعالاۋ كوميتەتٸنٸڭ, قازاق ۆەتەرينارييا عىلىمي-زەرتتەۋ ينستيتۋتى ۇجىمدارىنىڭ ٷلكەن ەڭبەگٸ. قۇس شارۋاشىلىعى سالاسى قازاقستاننىڭ اگروٶنەركەسٸپ كەشەنٸنٸڭ ماڭىزدى قۇرامداس بٶلٸگٸ, ونىڭ نەگٸزگٸ باعىتتارى — جۇمىرتقا جەنە ەت ٶنٸمدەرٸ» دەلٸنگەن حابارلامادا.
قۇس تۇماۋىنان تازا ەل مەرتەبەسٸ ەلٸمٸزدٸڭ اگروٶنەركەسٸپ كەشەنٸنٸڭ ەكسپورتتىق ەلەۋەتٸن ٸسكە اسىرۋعا ٷلكەن مٷمكٸندٸك بەرەدٸ جەنە قازاقستاننىڭ ەكونوميكالىق دامۋى مەن يميدجٸنە وڭ ەسەرٸن تيگٸزەتٸنٸ انىق.
«مۇنى مەملەكەت باسشىسىنىڭ جاڭا نارىقتاردى اشۋ تۋرالى تاپسىرماسىن ورىنداۋ ماقساتىندا اتقارىلعان جۇمىستاردىڭ العاشقى كٶرٸنٸسٸ دەپ اتاۋعا بولادى» دەيدٸ مينيتسرلٸكتەن.
