Fýtboldan Qazaqstan ulttyq quramasy men «Tobyl» komandasynyń jartylai qorǵaýshysy Rýslan Valiýllin eki jylǵa fýtboldan shettetildi, dep habarlaidy QazAqparat.
Bul jóninde FIFA tártiptik komiteti shyǵarǵan sheshim «Tobyl» fýtbol klýbyna kelip tústi.
Onda Rýslan Valiýllindi 24 aiǵa fýtboldan shettetý týraly resmi hat berilgen.
Resmi hatta oiynshyǵa jiyrma tórt (24) ai merzimge sanktsiialar qoldanylǵany aitylǵan.
Fýtbolǵa bailanysty kez kelgen qyzmetten shettetý 2021 jyldyń 10 qyrkúieginen 2023 jyldyń 10 qyrkúiegine deiin kúshinde bolady.
Aita ketsek, ol «Tobyldyń» Konferentsiia ligasynda Slovakiianyń «Jilina» komandasyna qarsy ótkizgen kezdesýinde tapsyrǵan doping-testinde oń nátije kórsetken bolatyn.
Bul jóninde qostanailyq fýtbolshyǵa 2021 jyldyń 2 qyrkúieginde habarlandy.
