فۋتبولدان قازاقستان ۇلتتىق قۇراماسى مەن «توبىل» كومانداسىنىڭ جارتىلاي قورعاۋشىسى رۋسلان ۆاليۋللين ەكٸ جىلعا فۋتبولدان شەتتەتٸلدٸ, دەپ حابارلايدى قازاقپارات.
بۇل جٶنٸندە فيفا تەرتٸپتٸك كوميتەتٸ شىعارعان شەشٸم «توبىل» فۋتبول كلۋبىنا كەلٸپ تٷستٸ.
وندا رۋسلان ۆاليۋلليندٸ 24 ايعا فۋتبولدان شەتتەتۋ تۋرالى رەسمي حات بەرٸلگەن.
رەسمي حاتتا ويىنشىعا جيىرما تٶرت (24) اي مەرزٸمگە سانكتسييالار قولدانىلعانى ايتىلعان.
فۋتبولعا بايلانىستى كەز كەلگەن قىزمەتتەن شەتتەتۋ 2021 جىلدىڭ 10 قىركٷيەگٸنەن 2023 جىلدىڭ 10 قىركٷيەگٸنە دەيٸن كٷشٸندە بولادى.
ايتا كەتسەك, ول «توبىلدىڭ» كونفەرەنتسييا ليگاسىندا سلوۆاكييانىڭ «جيلينا» كومانداسىنا قارسى ٶتكٸزگەن كەزدەسۋٸندە تاپسىرعان دوپينگ-تەستٸندە وڭ نەتيجە كٶرسەتكەن بولاتىن.
بۇل جٶنٸندە قوستانايلىق فۋتبولشىعا 2021 جىلدىڭ 2 قىركٷيەگٸندە حابارلاندى.
