Qazaqstan kommýnistik halyq partiiasy aldaǵy Májilis jáne máslihat depýtattaryn sailaýǵa daiyn. Bul týraly atalǵan partiia múshesi, Májilis depýtaty Aiqyn Qońyrov aitty, dep habarlaidy QazAqparat.
«Biz parlamenttik partiia retinde kez kelgen sailaý naýqanyna qatysýǵa mindettimiz. Óitkeni, bul kúshimizdi baiqap kórýdiń úlken múmkinshiligi sanalady. Menińshe, búgingi álemdik ekonomikalyq daǵdarys jaǵdaiynda bul óte ózekti bola tústi. Halyqtyń belgili bir bóligi bizdiń kózqarastarymyzdy jaqtap, qoldaý kórsetip otyr jáne sol adamdardyń úmitip aqtaýymyz kerek. Bizde protsedýra demokratiialy. Óitkeni, jarǵymyz demokartiialyq ortalyqtandyrý negizinde jazylǵan jáne soǵan sáikes partiiaishilik tańdaý protsesteri partiia sessiiasynda ashyq talqyǵa túsedi. Kommýnizm ideologiiasynyń negizi - ádildik. biz sailaýǵa «áleýmettik ádildik» uranymen túsemiz», - dedi ol.
Onyń atap ótýinshe, Májilistegi kommýnister osy ýaqytqa deiin áleýmettik teńsizdikti qamtamasyz etý úshin biraz jumys atqardy.
«Úkimetpen tolyqtai ózara túsinistik ornaǵan dep aita almaimyn. Olardyń óz mindeti, Ulttyq banktiń óz mindeti, oppozitsiialyq partiia retinde bizdiń óz mindetimiz bar. Biz synaimyz, tipti keide qoǵamnyń igiligi úshin áreket etip, májbúrleimiz de. Baspanany nesie alǵandarmen, úleskendermen jaqsy jumys jasadyq. Menińshe, olardyń kópshiligi riza dep oilaimyn. Óitkeni, bul máseleni bizdiń fraktsiiamyz eń birinshi bolyp kóterdi. Áielderdiń zeinetkerlikke shyǵý jasyna qatysty zańdy qoldaǵan joq. Eń bastysy Parlament alańynda jerdi sheteldikterge satýǵa bolmaityndyǵyn eń birinshi bolyp málimdegen partiia boldyq»,- dedi Qońyrov.
Sonymen qatar, Májilis depýtaty aldaǵy sailaýda tómengi palata mandatyn kóbirek alýǵa tyrysatyndyǵyn basa aitty.
«Osy aptada Qazaqstan kommýnistik halyq partiiasy ortalyq komiteti saiasi biýrosy ótedi. Sol otyrysta sailaýǵa qatysty barlyq máselelerdi talqylaimyz. Partiianyń sezin ótkizý, saiasi baǵdarlamasyn jasaý máseleleri kóteriledi», - dedi ol.
